Ширкати Apple баровардани барномаи қабули смартфонҳоро, ки дар асоси Android ва BlackBerry корбарӣ мекунад, ба сифати қисман пардохт намудани дастгоҳҳои мобилии нави худ ба нақша гирифтааст, бо истиноди сарчашмаҳои худ хабар медиҳад агентии Bloomberg. Гуфта мешавад, ин барнома ба Apple имконият медиҳад, ки Google-ро дар бозори смартфонӣ фишор диҳад. Барномаи trade-in аз тарафи Apple соли 2013 оғоз шуда буд, вале дар он танҳо соҳибони iPhone, ки хоҳиши иваз намудани дастгоҳи худро ба маҳсулоти аз ин ҳам навтар, бо пардохти иловагии нисбатан хурд доштанд, метавонистанд иштирок кунанд. Акнун амали ин барнома дар смартфонҳои истеҳсолкунандагони дигар низ ҷорӣ карда мешавад.
Тавре Исроил Ганота, раиси собиқи ширкати Gazelle, ки бо қабули электроникаи мавҷуда машғул аст, мегӯяд: «Apple, шояд ба соҳибони смартфонҳо маблағҳоро зиёда аз арзиши бозории дастгоҳҳои онҳо, бо умеди ба пуррагӣ ҷалб намудани ин истифодабарандагон ба IOS, пардохт менамояд».
Ганот ҳамчунин қайд кард, агар Apple барномаи навсозишудаи trade-in-ро пеш аз оғози фурӯши Samsung Galaxy s6, ки 10 апрел ба нақша гирифта шудааст, барорад, он гоҳ бисёре аз истифодабарандагони смартфони флагмании ширкати кореягӣ, ҷиддан фикр карда мебароянд, ки онҳо бояд кадом смартфонро харидорӣ намоянд.
Хотирнишон месозем, ки ба назари таҳлилгарони ширкати Gartner, дар се моҳи охири соли 2014, дар ҷаҳон 74,8 миллион адад дастгоҳҳои Apple фурӯхта шудааст. Нисбат ба семоҳаи охири соли 2013, таҳвили Apple 49% афзудааст. Ин муваффақият имкон дод, ки ширкати Тим Кук Samsung-ро зери фишор гирад ва аз нав мавқеи пешсафиро дар бозори ҷаҳонӣ барои нахустин бор аз соли 2011 баргардонад.
Бояд зикр кард, ки соли гузашта ширкати канадагии BlackBerry низ дар бораи ифтитоҳи барномаи trade-in эълон намуд. Дар он аз соҳибони моделҳои гуногуни iPhone даъват ба амал оварда шуд, ки дастгоҳҳои худро ба смартфони BlackBerry иваз кунанд.
Сарчашма: http: //matrix-tv.tj/
Нет комментариев