Хабарнигорони  BBC  паҳнкунии натиҷаҳои тадқиқотҳои худро, дар бораи вайроншавии шароити меҳнат дар ширкат ҳангоми ҷамъкунии  iPhone ва дигар масолеҳи Apple идома медиҳанд. Ин дафъа онҳо маводеро дарҷ намудаанд, дар он сухан оиди он меравад, гӯё ки баъзе ашёи хомро барои истеҳсоли техника, кӯдакони ноболиғу наврасон саломатӣ ва ҷони худро зери хатар гузошта, пайдо мекунанд.

http://yablyk.com/

Намояндагони ширкати телевизионӣ муайян намудаанд,  ки тахминан 70%  қалъагӣ, ки барои истеҳсоли смартфону планшети  “себӣ” ҳатмӣ  мебошад, ғайриқонунӣ дар Индонезия канда мешавад. Дар он ҷо истифода бурдани меҳнати кӯдакон ҳодисаи муқаррарӣ арзёбӣ мегардад. Барои ба даст овардани маҳсулоти хом, мардикорони  хурдсол ба конҳое, ки бе риояи меъёрҳо сохта шудааст, мефароянд. Конҳо дар ҳолати садамавӣ қарор дошта, хатари фурӯравӣ ба он таҳдид мекунад.  Илова бар ин, ҳангоми кор кӯдакон буғҳои заҳролудро нафас кашида, бо душвориҳо рӯ ба рӯ мешаванд.

http://yablyk.com/

BBC хотиррасон менамояд, ки тобистони соли гузашта, намояндагони Apple, дар бораи  қатъ кардани истифодаи қалъагии индонезӣ хабар доданд. Аммо хабарнигорон мегӯянд, ки ширкат ба ваъдаи худ вафо накардааст.

http://yablyk.com/

Ёдовар мешавем, ки дирӯз директори генералии Apple, Тим Кук тафтишоти хабарнигориро танқид намуда, иброз кардааст, ки  ӯ аз ҷониби онҳо таҳқир карда шудааст. Бинобар гуфтаҳои вай, ширкат барои беҳтар намудани шароити меҳнат чораҳои ҷиддӣ меандешад.

Сарчашма : matrix-tv.tj