Акс аз: www.ozodagon.com

То 15 декабр корҳои омодагӣ ва ороишии арчаи солинавӣ дар майдони «Ситораҳои Хуҷанд»-и шаҳри Хуҷанд ба итмом расонда шуда, барои сокинону меҳмонони маркази вилоят барномаҳои фарҳангӣ пешкаш мешаванд.

Дар асоси нақшаи таҳиягашта нахустин шуда озмун-фестивали солинавӣ байни 7 муассисаи таълимии олӣ ва миёнаи махсус  доир мегардад. Ин муассисаҳо бояд барномаи ҷолиби силинавии фарҳангӣ омода намуда, манзури ҳаводорон ва ҳакамон намоянд. Баъдан аз 24 декабр  ҳунарнамоии дастаҳои ҳунарӣ, санъаткорони шинохтаи шаҳру вилоят дар назди тамошобинон пешбинӣ гардидааст.

Барномаи калони консерти солинавии ниҳоӣ ва маросими супоридани ҷоизаҳои ғолибони озмун-фестивал шоми 31 декабр дар пояи арчаи солинавии майдони «Ситораҳои Хуҷанд» баргузор мегардад. Аз 15 декабр дар назди тамоми корхонаю муассисаҳо новобаста аз шакли моликият арчаи солинавӣ гузошта оро дода мешавад.

Арчаи марказии солинавии имсола 20 метр баландӣ дошта, бо усули хосаи муосир оро дода мешавад.

Дар ин бора khovar.tj хабар медиҳад.