Дар варзишгоҳи “Эрнандо Силес”-и шаҳри Ла-Пас бозии интихобии Ҷоми Ҷаҳонии соли 2026 дар минтақаи Амрикои Ҷанубӣ анҷом ёфт, ки дар он Боливия ва Аргентина ба ҳам омаданд. Вохӯрӣ бо ҳисоби 0 бар 3 ба суди аргентиниҳо анҷом ёфт.
Барои қаҳрамонҳои феълии ҷаҳон голҳоро Энтсо Фернандес дар дақиқаи 31-ум, Николас Таляфико дар 42-юм ва Николас Гонсалес дар дақиқаи 83-юм ба самар расониданд. Дар нимаи аввал аз ҳайати мизбонон аниқтараш дар дақиқаи 39-ум ҳимоятгари тими «Балтика» Роберто Фернандес корти сурх гирифт. Ҳамлагари тими Аргентина Лионел Месси дар ин бозӣ ҳузур надошт. Пас аз бозии қаблӣ бо Эквадор хабар дода шуд, ки форвард дар саломатӣ мушкил дорад. Дар бозии гузашта маҳз голи Месси ғалабаи Аргентинаро таъмин карда буд. Боливия дар ду бозӣ дар даври кунунии интихобӣ бо шикасти дуввум дучор шуд. Аргентина дувумин ғалабаи худро ба даст овард.
Дар марҳилаи интихобии Ҷоми Ҷаҳон-2026 дар Амрикои Ҷанубӣ 10 даста ширкат мекунанд, ки дар ду давр бо ҳам бозӣ мекунанд. Дастаҳое, ки дар зинаҳои якум то шашум ҷой мегиранд, ба мусобиқаи ниҳоӣ роҳ меёбанд. Марҳилаи муқаддамотӣ дар Амрикои Ҷанубӣ моҳи сентябри соли 2025 ба охир мерасад.
Дастае, ки дар ҷои ҳафтум қарор мегирад, дар плей-оффи байниқитъавӣ рақобат хоҳад кард. Дар он инчунин ду даста аз минтақаи КОНКАКАФ ва як даста аз Осиё, Африқо ва Уқёнуси Ором иштирок мекунанд. Онҳо барои ду роҳхати охирин ба Ҷоми ҷаҳон бозӣ хоҳанд кард.
Ҷоми Ҷаҳонии соли 2026 дар ИМА, Мексика ва Канада баргузор мешавад. Бори аввал дар таърих 48 даста дар ин мусобиқот ширкат мекунанд.
Манбаъ: Варзиш-ТВ
Нет комментариев