Суди ноҳияи Рашт ду корманди соҳаи маорифро барои омода намудани «Номаи камол»-и (аттестат) қалбакӣ то як саду панҷоҳ ҳазор сомонӣ ҷарима намуд. Директори муассисаи таҳсилоти умумии асосии №68 ноҳияи Рашт Я. Толибов охирҳои моҳи августи соли 2015 бо маслиҳати пешакӣ ғайриқонунӣ дар бораи таҳсилоти умумии асосӣ ба ному насаби Д. Асалзода «Номаи камол» омода намуда, бар ивази 500 сомонӣ ба Н. Эшонова додааст. Ҳамчунин номбурда кирдорҳои ҷинояткоронаи худро идома дода, аввалҳои моҳи январи соли 2017 бо таҳдиди аз вазифа озод намудани таъмиргари муассисаи мазкур А. Асрориддин аз падари ӯ А. Қуқанов бо роҳи тамаъҷуӣ 400 сомонӣ пора талаб намуда, гирифтааст. Бо ҳукми суди ноҳияи Рашт Я. Толибов ва Н. Эшонова гунаҳкор дониста шуда, ба Я. Толибов ҷазо дар намуди ҷарима ба андозаи 3000 нишондиҳанда барои ҳисобҳо баробар ба 150 000 сомонӣ ва ба Н. Эшонова ҷарима ба андозаи 2000 нишондиҳанда барои ҳисобҳо баробар ба 100 000 сомонӣ таъйин гардид.
Манбаъ:сомонаи расмии АМИТ «Ховар»
Нет комментариев