Зиёда аз 30%-и маҳсулотҳои заргарии дар фурӯшбуда, метавонад қалбакӣ бошад ва қариб нисфи сангҳои қимматбаҳо қимматбаҳо нестанд. Пас чӣ бояд кард, ки ба ҷои бриллиант шишаву ба ҷои тилло фулузоти рангкардашударо нахарем? Ин ҷо кӯшиш намудем, то андозае ба ин саволҳо ҷавоб ёбем.
Тамға. Ин якумин чизест, ки аз рӯи он мо тиллоро фарқ мекунем. Агар тамға дошта бошад, пас маҳсулот ҳақиқӣ мебошад. Аммо на ҳама вақт чунин аст, зеро ҳодисаҳое ошкор гардиданд, ки тилловориҳои қалбакии мусодирагардида соҳиби тамға буданд. Заргарҳои фаъолияти ғайриқонунидошта аз гаравхона пораҳои тилло ва аз заводҳо хокаҳои онро гирифта, мегудозанд ва ба он мис, рӯҳ ва нуқра ҳамроҳ намуда, аз он ороишот тайёр мекунанд. Онро чунин коркард мекунанд, ки монанди тилло медурахшад. Албатта дар таркиби ин маҳсулотҳо тилло ҳаст, аммо ҳамагӣ 15-20%.
Сангҳои қимматбаҳо ин танҳо ороишоти зебо, балки роҳи пасандозкунии сармоя ба ҳисоб меравад. Қаллобон ба ҷои ороишоти бриллиантӣ, ҳалқаву шилшилаҳои аз шиша ва сиркон сохта шударо ба фурӯш мегузоранд. Оё сангҳои қимматбаҳои аслиро аз қаллобӣ муайян намудан мумкин аст?
Марворид. Имрӯз дар фурӯш се намуди марворидро пайдо намудан мумкин аст: сунъӣ (пластикаи муқаррарӣ), сунъӣ ҳосил карда шуда ва табиӣ. Марворидро аз пластикӣ буданаш ин тавр муайян намудан мумкин аст: онро бо дандон хоидан мумкин аст ва ба гуфти мутахассисон ҳангоми хоидан ғиҷҷирос дар дандонҳо эҳсос карда мешавад. Агар марворид табиӣ будани онро муайян намудед, пас донед, ки сифати он метавонад гуногун бошад. Мутахассисон маслиҳат медиҳанд, ки ба марворид назар кунед ва агар дар он акси худро бинед, пас онро босифат ҳисобидан мумкин аст.
Зумуррад (изумруд). Имрӯзҳо қаллобан тайёр намудани онро аз худ намудаанд, аммо зумурради ҳақиқӣ як хусусият дорад, ки онро сохтакорӣ кардан ғайриимкон мебошад, яъне он ҷой-ҷой тирагӣ дорад.
Пеш аз харидани маҳсулотҳои заргарӣ ба тамғаи маҳсулот диққат диҳед. Вай бояд аз се қисм иборат бошад: дар мобайн духтар дар шарафот, аз чап ҳарфи нозироте, ки клейморо гузоштааст. Масалан, агар дар шаҳри Москва гузошта шуда бошад, пас ҳарфи «М»-ро дорад ва дар тарафи рости духтар рақами маҳак гузошта мешавад, масалан 585.
Агар рақами маҳак 583 бошад, пас ҷои шӯбҳа нест, зеро дар замони Шӯравӣ маҳаки 585 вуҷуд надошт ва бо маҳаки 583 истеҳсол мешуд. Аз сабаби он, ки дар он замон ба қаллобӣ кам роҳ медоданд ва ё умуман роҳ намедоданд, пас маҳсулоти заргарии маҳаки 583-ро метавонед дилпуртар харидорӣ намоед, зеро имкони фиреб хӯрданатон камтар аст.
Маҳсулоти заргариро дар мағозаҳо ва марказҳои калони савдо харидорӣ намуда, ҳатман чеки онро талаб намоед, зеро дар ҳолати фиреб хӯрдан метавонед онро баргардонед. Аз ҳама маҳсулотҳои нуқрагӣ маҳсулоти нуқрагии маҳаки 925 пурарзиштар мебошад ва дар он рақами маҳаки 925 ва тамғаи духтар дар шарофат, ки рӯяш ба тарафи рост аст, гузошта шудааст.
Аз ин маслиҳатҳо ҳатман истифода намоед, пас тиллоро аз ҳар чизи ҷилодор фарқ хоҳед кард. Барори кор!
Нет комментариев