«Ҳавопаймо бо ҷаноби Муҳаммад Ашраф Ғанӣ ба ҳарими ҳавоии Тоҷикистон ворид нашудааст ва дар қаламрави кишвар фуруд наомадааст», — изҳор доштанд имрӯз аз Вазорати корҳои хориҷии Ҷумҳурии Тоҷикистон.
«Ҷониби Тоҷикистон аз ҷониби Афғонистон дархости дахлдор нагирифтааст», — гуфтанд аз Вазорати корҳои хориҷии ҶТ.
Ёдовар мешавем, ки қаблан ТАСС ва якчанд агентиҳои иттилоотӣ бо истинод ба телевизиони «Tolo News» хабар доданд, ки президенти Афғонистон Ашраф Ғанӣ шоми 15 август кишварро тарк карда, гӯё ба Тоҷикистон фирор намудааст. Дар ҳамин ҳол, Ашраф Ғанӣ ҳоло дар Уммон қарор дорад. Ин изҳоротро рӯзи якшанбе шабакаи телевизионии «Kabul news» дар «Twitter» пахш кард.
Манбаъ: АМИТ «Ховар»
Нет комментариев