Оҷонсии Bloomberg чанд муддат пеш хабар дод, ки ширкати Uber санҷиши автомобилҳои бесарнишини худро ба итмом расонид ва омода аст, ки нахустин мусофири худро қабул намояд. Алакай худи ҳамин моҳ, бошандагони Амрико, яъне миҷозони ширкат тавассути замимаи мобилӣ метавонанд барои сайругашти худ автомобили бесарнишини Volvo XC90-ро фармоиш диҳанд.
Мутобиқи ҳисоботи Bloomberg автомобили Uber танҳо ба сафар наҳоҳад баромад, зеро дар ҷойи нишасти мошин супервайзер ҷойгир карда шудааст, ки дар дилҳоҳ вақт метавонад идоракунии автомобилро ба ӯхдаи худ бигирад. Одами дуюм дар курсии пеши мошин менишинад ва ҳамеша тавассути ноутбук дар бораи кори автопилот бохабар шуда меистад.
Ба ғайр аз ҳамаи ин дар қисми болоии пеши автомобил камера насб карда шудааст, ки ҳангоми сафар чиҳо дар роҳ руйда истодаст, ҳамеша назорат мекунад. Чунин нақша пешбинӣ шудааст, ки нахустин сафар дар мошини бесарнишин, яъне автомобили автопилот ройгон ҳоҳад буд. Ин иқдом барои ҷалб намудани таваҷҷӯҳи мизоҷон ба истифода бурдан аз ин хизматрасонии мошини мазкур пеш гирифта шудааст.
Нет комментариев