19 январи соли 1986 – рӯзи таваллуди якумин вируси компютерии Brain ба ҳисоб меравад. Аз ин рӯз сар карда оромии ҳаёти истифодабарандагони компютер ба охир расид. То имрӯз мутхассисон 150 ҳазор намуди вирусро ба ҳисоб гирифтаанд, ки ин миқдор зиёд шуда истодааст.

Аз замони пайдоиши вируси компютерӣ то имруз метавонем онро ба чор давра ҷудо кунем. Солҳои 1986 то 1995 давраи вируси боршавӣ (загрузочный вирус) мебошад, ки бо нест шудани дискетаҳо аз байн рафт.

Солҳои 1995-1999 давраи макровирусҳо, пас давраи вируси «кирмҳо» тариқи почтаи электронӣ пайдо шуд. Мумкин дар ёд дошта бошед вируси I LOVE YOU, ки дар тамоми ҷаҳон паҳн шуда буд. Суръати паҳншавии вирусҳо аз замони пайдоишаш ба суръати кайҳонӣ баробар шуд. Агар дар солҳои пеш вируси боршави моҳҳо ва ё солҳо паҳн мешуд, ҳозир бошад вирусҳои нав дар муддати як соат метавонад дар шабакаи интернетӣ паҳн шавад.

Созандагони программаи системаи ҳимоявӣ дар он ақидаанд, ки программаҳои зараровар шабакаҳои бесим ва смартфонҳоро ҳадафи худ қарор додаанд.

Манбаъ: matrix-tv.tj