Банан сохти дарозрӯя дошта, аз се қисм иборат аст: сарак, тана ва думча.Дарозии банан аз 12 то 20 см мешавад. Ин меваи тропикӣ витаминҳои зиёде дорад. Таркиби бананро витаминҳои A, C, B1, B2, B6 инчунин калсий, магний, оҳан ва синк ташкил медиҳад. Дар айни ҳол яке аз меваҳои серистифодатарин ва аз ҷумла ородиҳандаи хони тоҷикон низ ба шумор меравад. Як хусусияти банан дар он аст, ки на ҳама дар аввал майли хӯрдани онро мекунанд, зеро мулоим буда, чандон хушлаззат ҳам нест.
Пӯшида нест, ки бемории камхунӣ байни занҳо ба чашм мерасад. Азбаски оҳани зиёд боиси танзими гемоглобини таркиби хун мебошад, банан ба бемории камхунӣ хеле муфид аст. Аз фишори хун низ қисми зиёди одамон азият мекашанд. Банан бошад, аз калий бой буда, истеъмоли он фишори хунро мӯътадил нигоҳ медорад.
Банан барои барқароркунии кори рӯдаҳо низ кӯмак расонида, шикамро мулоим мекунад. Аз ин лиҳоз онро барои рафъи қабзият истифода бурдан мумкин аст.
Таҷрибаҳо нишон додааст, ки банан хастаҳоливу рӯҳафтодагӣ, яъне депрессияро ҳам рафъ месозад. Банан дорои як намуд сафеда «тринтофан» мебошад, ки баъди ворид шуданаш ба организм ба «сератамин» табдил меёбад, ки боиси болидарӯҳӣ мегардад.
Агар омехтаи ширро бо банан ва асал кас истеъмол кунад, дар муддати хеле кӯтоҳ аз ҳолати хуморолудагӣ мебарояд.
Зардаҷӯш (изжога) – сӯзиши меъда як навъ бемориест, ки шахс худро нороҳату ноором эҳсос мекунад. Банан хусусияти фоидабахшии зидди зардаҷӯшро дорад. Воқеан банан хосиятҳои дигар ҳам дорад. Пӯсти бананро агар ба ҷои газидагии кӯрпашша (хомӯшак) молиш диҳед, хариш, варам ва сурхшавии ҷои газидаро рафъ месозад.
Банан барои рафъи сигоркашӣ низ кӯмак мерасонад, зеро витаминҳои таркиби банан(A1, B6, B12) норасогии никотинро бартараф намуда , хоҳиши кашидани сигорро оҳиста-оҳиста нест мекунад.
Олимон аз рӯи таҷрибаҳо исбот намуданд, ки пайваста хӯрдани банан хавфи инсултро то 40 % кам мекунад.
Шодмон Ашӯров
Нет комментариев