Дар Ҷамоати деҳоти Сомониёни ноҳияи Ҷаббор Расулов барқарорсозии як пули мошингузар, ки бар асари омадани сел вайрон гардида буд, оғоз ёфт. Барои барқарор кардани купрӯк аз ҷониби мақомоти иҷроияи ҳокимияти давлатии ноҳия 20 тонна семент ҷудо гардид ва сокинони Ҷамоати деҳоти Сомониён низ ба миқдори 150 ҳазор сомонӣ саҳмгузорӣ намуданд. Аз тарафи вазорати нақлиёт ба маблағи 450 ҳазор сомонӣ кӯмак расонида шудааст. Ҷоиз ба таъкид аст, ки Раиси вилоят Абдураҳмон Қодирӣ иқдоми роҳбарият ва сокинони Ҷамоати деҳоти Сомониёнро дастгирӣ намуд. Бо ташаббуси роҳбарияти вилоят барои саривақт ва бо сифати баланд сохтани пули мошингузар ба маблағи 1 млн. сомонӣ кӯмаки молиявӣ расонида шуд. Пули мазкур ба сокинони 18 ҳазор нафараи Ҷамоати деҳоти Сомониён хизмат хоҳад кард. Дарозии он 33 метрро ташкил намуда, бараш 8 метр мебошад.
Манбаъ: сомонаи расмии МИҲД-и вилояти Суғд
Нет комментариев