Дар боғи маданият ва истироҳати ба номи М. Воҳидови ноҳияи Ашт «Иди гулҳо» баргузор гардид, ки дар он корхонаву ташкилот ва муассисаҳои таҳсилоти миёнаи умумӣ ва томактабии ноҳия, инчунин шаҳрвандон ширкат варзиданд.
Тавре иттилоъ дода шуд, иштирокчиён маҳсули дастони хешро аз гулҳои парваришнамудаи хеш то сохтани гулҳо аз коғазҳои ранга, гулдӯзиҳо, омода намудани экибанаҳо, аз тухмҳои растаниҳо сохтани ҳар гуна чизҳо, кашидани расмҳо, рефератҳо дар мавзӯъҳои гулҳо ва растаниҳои мухталиф, дигар эҷодкориҳо манзури тамошобинон гардониданд.
Зимнан, дар вилояти Суғд соли равон Соли рушди фарҳанг ва гулҳо эълон шудааст. Ҳамзамон нахустин маротиба бо мақсади тарғиби фарҳанги зебопарастӣ, рӯзғордорӣ, корҳои ободониву созандагӣ санаи 16 июн нахустин маротиба дар маркази вилоят шаҳри Хуҷанд Фестивали “Гулҳо” ва “Оши палав” гузаронида мешавад. Дар ин бора аз хадамоти матбуотии Раиси вилоят иттилоъ медиҳанд.
Нет комментариев