БАРНОМАИ РАСОНАҲО ДАР ОСИЁИ МАРКАЗӢ

Санаи 5 марти соли 2018, дар «Маркази Амрикои шаҳри Хуҷанд», муаррифии Барномаи расонахо дар Осиёи марказӣ бо иштироки намояндагони ВАО, Ташкилотҳои чамъиятӣ ва фаъолони чомеаи шахрвандӣ шуда гузашт. Барномаи барои рушду тавсеаи муҳити иттилоотии мўътадил дар Қазоқистон, Тоҷикистон ва Узбекистон, гузаштравона шудааст, то мардуми огоҳи ин кишварҳо тавонанд озодона табодули идеяву дидгоҳу андешаҳо намоянд, то теътоди шаҳрвандоне, ки дар ҳаёти ҷомеа иштироки фаъол доранд, афзун гардад. Барнома аз ҷониби Оҷонсии ИМА оид ба рушди байналмиллалӣ маблағгузорӣ гашта, Интернюс онро дар тўли солҳои 2018-2023 амалӣ хохад кард. Он ҳаҷми иттилооти мўътадил ва бар далелҳо асосёфтаро тавассути ҳавасмандгардонии ҳамкорӣ байни расонаҳо, васеъ намудани ҷалби аудитория ва татбиқи қолабҳои навоварона дар истеҳсоли маводи маҳаллӣ афсоиш медиҳад. Журналистон аз кўмакҳои ҳуқуқӣ ва имкониятҳои омўзиш дар тренингҳои амалӣ бархурдоршуда, ба ин васила дониши тахассусии худро инкишоф хоҳанд дод. Барнома инкишофи сартосарии саводнокии расонаиро дар назар дошта, ҳамчунин фаъолият оид ба такмили базаи меъёрӣ-ҳуқуқии танзимкунандаи соҳаи расонаҳоро бо истифода аз мониторинги ҳуқуқӣ, таҳлил ва дифоъ аз ҳуқуқи рўзноманигорон пуштибонӣ мекунанд.

ВАЗИФАҲОИ БАРНОМА

Мусоидат ба расонаҳо дар таҳияи маводи беғаразона, сермазмун, дорои эътидолу тавозун ва санҷидашуда дар мавзўҳои мубрами сиёсӣ ва ҷамъиятӣ.
Баланд бардоштани сатҳи саводнокии расонаӣ ва иттилоотии ҷавонону бузургсолон, афзоиши теъдоди истеъмолкунандагони боҳуши иттилоот.
Беҳтар намудани муҳити ҳуқуқӣ барои расонаҳо.

ПРИНСИПҲОИ АСОСИИ БАРНОМА

Устувор будан.
Ҳамкорӣ бо шарикони маҳаллӣ.
Бо истифода аз таҷрибаи пешина ба шароити имрўза мутобиқ шудан.
Баробарии гендерӣ ва инклюзия.
Ҷалби ҷавонон.

МИНТАҚАҲОИ ФАРОГИРИИ БАРНОМА

Қазоқистон
Тоҷикистон
Узбекистон

ШАРИКОНИ БАРНОМА

Рўзноманигорон
Менеҷерони расонаҳо
Шаҳрвандони оддӣ
Ҳама намудҳои ВАО
Созмонҳои ёрирасони ВАО
Ассотсиатсияҳои касбии соҳаи ВАО
Қишрҳои осебпазири аҳолӣ
Институтҳои таълимӣ
Шаҳрвандони фаъол

ФАЪОЛИЯТИ АСОСИИ БАРНОМА

Тренингу семинарҳо ва мураббигарӣ барои такмили малакаи рўзноманигорон барои таҳияи маводи чандрасонаӣ ва достоннависӣ (сторителлинг), ҳамчунин мусоидат ба менеҷерони расонаҳо дар самти таъмини устувории молиявии расонаҳояшон
Курсҳо ба хотири таҳияи барномаҳои навоварона ва баландсифати маҳаллӣ, тарбияи стартапҳои нав, мустаҳкам намудани ҳамкории байни расонаҳо ва созмонҳои ҷамъиятӣ.
Чорабиниҳо барои тавсеаи ҳамкориҳои минтақавӣ ва табодули донишу таҷриба аз қабили Медиафестивалҳои ҳарсола дар Осиёи Марказӣ, Форумҳои минтақавӣ барои роҳбарони сатҳи аввали расонаҳо, «Эдютон» ва конфронсҳо оид ба саводнокии расонаӣ, семинарҳои Media Masters, Лабораторияҳои таҷрибавӣ оид ба дастрасӣ ба иттилоот.
Тадқиқоти ҳамасолаи шеваи истеъмоли иттилоот дар Осиёи Марказӣ ба хотири муайян намудани тағйирот дар сатҳи эътимоди аҳолӣ ба ВАО ва дарки он.
Рушди саводнокии сартосарии расонаӣ тариқи таҳияи барномаҳои таълимӣ барои донишҷўён , мониторинги расонаҳо ва рушди нақди расонаӣ дар минтақа, ҳамчунин иродаи курсҳо барои таҳия ва эҷоди василаҳои нави ташаккули саводи расонаӣ.
Экспертизаи ҳуқуқӣ, таҳлил ва мониторинги қонунгузорӣ дар соҳаи ВАО ёрии ҳуқуқӣ ба гурўҳҳо ва кумитаҳои кории марбут ба ВАО, иттилоот ва сиёсати технологияҳои рақамӣ.
Маъракаҳои иттилооти барои баланд бардоштани сатҳи огоҳии мардум оиди раванди гузариш ба пахши рақамӣ.