Роҳбарияти дастаи «Барселона» бозии даври панҷуми марҳилаи гурӯҳии Лигаи Чемпионҳо миёни дастаҳои “Спортинг” ва «Арсенал» –ро ба хотири Виктор Дёкереш тамошо хоҳанд кард. Дастаи каталония ба харидории форварди шведӣ, ки мавсими хубро дар ҳайати “Спортинг” мегузаронад, мароқ зоҳир кардаанд.
Ҳамлагари 26-сола қаблан эълон карда буд, ки дар равзанаи интиқоли зимистона аз «Спортинг» намеравад, аммо чунин ба назар мерасад, ки ӯ дар охири мавсим дастаашро иваз мекунад. Ба ин бозигар ҳоло дастаҳои «Манчестер Юнайтед», «Манчестер Сити», «Атлетико Мадрид» ва «Бавария» ҳам таваҷҷӯҳ доранд.
Нашрияи Sport хабар медиҳад, ки “Барселона” боварӣ дорад, ки Дёкерешро бо маблағи тақрибан 70 миллион евро харидорӣ карда метавонад. “Спортинг” танҳо бо малағи беш аз 100 млн евро аз Дёкереш ҷудо шуданӣ аст.
“Барселона” футболбози мазкурро вориси Роберт Левандовски дар даста медонад. Лек, “Барселона” дар охири мавсим намехоҳад, ки аз Левандовски ҷудо шавад. Ба ҳамин хотир, онҳо мехоҳанд, ки бо Дёкереш тобистони соли 2025 қарордоди ҳамкорӣ ба имзо расонанд ва сипас ӯро дар мавсими 2025/26 низ ба таври иҷора ба “Спортинг” диҳанд.
Манбаъ: Варзиш-ТВ
Нет комментариев