Бо талаби пора корманди Хадамоти давлатии оташнишонӣ ба ҷавобгарии ҷиноятӣ кашида шуд

0
2 730 просмотров

Дар натиҷаи гузаронидани чорабиниҳои фаврӣ-тафтишотӣ 22 июли соли 2020  Асоев Искандар Сайдуллоевич баъди аз шаҳрванд «А» гирифтани маблағи 18000 сомонӣ дастгир гардида, маблағи мазкур аз ӯ ҳамчун далели шайъӣ дарёфт ва гирифта шуд. Дар ин бора аз Маркази матбуоти Агентии назорати давлатии молиявӣ ва мубориза бо коррупсия ба АМИТ «Ховар» хабар доданд.

Искандар Асоев дар вазифаи нозири гурӯҳи назорати давлатии зиддисухтори қисми мустақили 17-уми ҳарбикунонидашудаи Хадамоти давлатии оташнишонии Вазорати корҳои дохилии Ҷумҳурии Тоҷикистон оид ба муҳофизати шаҳри Ҳисор кор карда истода, бо истифодаи мақоми хизматӣ бо роҳи фиреб ва суиистифодаи боварӣ барои ба Донишкадаи ҳарбии Вазорати мудофиаи Ҷумҳурии Тоҷикистон дохил намудан аз шаҳрванд «А» маблағи 18 000 сомонӣ талаб кардааст.

Дар ин асос нисбат ба И. Асоев бо моддаи 247 қисми 2 бандҳои «в» «г»-и Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, баъди анҷоми тафтиши пешакӣ барои моҳиятан баррасӣ намудан ба суд ирсол карда шуд.

Манбаъ: АМИТ «Ховар»

Нет комментариев

Также рекомендуем

Ҳамлавари хориҷӣ ба дастаи «Хуҷанд» омад

Турсуналӣ Рустамов ҳамлавари тими мунтахаби Ҷумҳурии Қирғизистон, ки дар мусобиқаи Ҷоми миллатҳои Осиё-2019 бозии ҷолиб нишон дод ба дастаи “Хуҷанд”-и шаҳри Хуҷанд пайваст шуд. Турсуналӣ ...

Сообщить об опечатке

Текст, который будет отправлен нашим редакторам: