Дастаи “Хуҷанд”-и Тоҷикистон дар доираи бозиҳои марҳилаи плей-оффи Ҷоми КФО- 2018 бозии аввалини худро бо дастаи “Аҳал”-и Туркманистон дар сафар анҷом дод. Бозӣ хело тезу тунд баргузор гардида, бо ҳисоби 1-0 ба нафъи соҳибони майдон ба анҷом расид. Ягона голи дидорро дар дақиқаи 18-уми бозӣ Мурат Анаев тавассути зарбаи ҷаримавии 11 метра ба самар расонид. Ҳамакнун, тақдири ин рақобат дар бозии ҷавобӣ, ки санаи 20 феврал дар варзишгоҳи 20 солагии Истиқлолияти шаҳри Хуҷанд баргузор мегардад боқӣ мемонад. Дастаи «Хуҷанд»-ро дар бозии ҷавобӣ танҳо ғалаба бо фарқияти ду тӯб имкони иштирок дар марҳилаи гуруҳиро фароҳам меоварад. Ёдовар мешавем, ки ба ин гурӯҳ дастаҳои “Алай”-и Қирғизистон, “Алтин Асир”-и Туркманистон ва “Истиқлол”-и Тоҷикистон шомил мебошанд. Дар сурати ғалабаи “Хуҷанд” он гоҳ аз Ҷумҳурии Тоҷикистон бори аввал 2 бошгоҳ ба сабқатҳои гурӯҳии мусобиқоти қораи Осиё роҳхат мегиранд.
Ҷоми КФО-2018
Даври плей-офф. Бозии ҷавобӣ
«Аҳал» (Туркманистон) – «ХУҶАНД» (ТОҶИКИСТОН) – 1:0
Гол: Мурат Аннаев, 18 – пен.
Манбаъ: сомонаи расмии АМИТ «Ховар»
Нет комментариев