Дар Мактаб — гимназияи № 1-и ба номи Маҳмудхоҷа Беҳбудӣ ва литсеи физикӣ — математикии № 1 ба номи академик М. Осимӣ толорҳои варзишӣ бунёд мешаванд. Аз рӯи лоиҳаи пешниҳоднамудаи Идораи сохтмони асосии шаҳри Хуҷанд толорҳои варзишӣ аз ҳуҷраҳои либоскашӣ, шустушӯй ва ҳуҷраи муаллимон иборат буда, бо тарҳи замонавӣ сохта мешавад. Тибқи пешниҳоди шаҳрдори Хуҷанд имкониятҳои толор васеъ карда шуда, он барои баргузории намудҳои варзишии футболи хурд, гимнастика, баскетболу валейбол низ мувофиқат хоҳад намуд. Маблағи умумии ҳар як сохтмони пешбинишуда 800 ҳазор сомонӣ буда, он аз хисоби буҷаи шаҳри Хуҷанд ба анҷом расонда мешавад. Толорҳои варзишӣ то оғози соли хониши нав ба истифода дода мешавад. Дар ин бора sugd.tj хабар медиҳанд.
Нет комментариев