Ширкати Canon расман фурӯши охирин модели аксбардори плёнкагиро қатъ намуд. Истеҳсоли намунаи касбии EOS-1v, ки соли 2000 муаррифи гардида буд, соли 2010-ум қатъ гардида буд, ва то ин дам ҷопониҳо боқимондаи анборро ба фурӯш мебароварданд.
Чихеле, дар сомонаи Canon омадааст, таъмири аксбардорҳо то 31 октябри соли 2020 идома меёбад. Мутаасифона ширкат иброз медорад, ки ҳангоми набудани қисмҳои эҳтиёти, таъмири онро ба зимма намегирад.
Аксбардори EOS-1v ба насли панҷуми аксбардорҳои касбӣ дохил мешавад. Он метавонист дар як сония зиёда аз 11 акс бардорад.
Дасткашии Canon аз фурӯши EOS-1v ҳоло аз марги пленкагиҳо дарак намедиҳад. Рақиби он Nikon, то ҳол аксбардорҳои плёнкагиро ба арзиши то 2700 доллар ба фурӯш мондааст.
Ба ғайр аз ин, чунин камераҳоро то ҳол баъзе аз аксбардороне, ки классикаро ба ҷои муосир мепазиранд, истифода мебаранд. Аксбардорҳои плёнкагӣ бо чопи фаври ба монанди Instax, то ҳол байни истифодабарандагон маъмул боқи мемонанд.
Нет комментариев