Амрикои Шимолӣ материке, ки дар қисми шимолии Замин ҷойгир аст.
Он кишварҳои калонтарини зеринро дар бар мегирад: Канада, ИМА, Мексика.
Шароити табиии Амрикои Шимолӣ нисбат ба материкҳои аллакай омӯхтаамон комилан дигар аст. Маҷмӯҳои табиии он хеле мухталифанд, дар байни онҳо маҷмӯҳои беназир бисёранд: кӯлҳои бузургтарин, ноҳияи вулқону гейзерҳои лойқадор, водиҳои чуқуртарини дарёӣ — канонҳо ва ғайра.
Инсон табиати материкро ниҳоят тағйир додааст, бисёр маҷмӯҳои маданӣ ба вуҷуд оварда шудаанд. Соҳилҳои Амрикои Шимолӣ ба қисмҳо ҷудо шудаанд. Дар соҳилҳои шарқӣ ва шимолии материк халиҷу нимҷазираҳо бисёр буда, дар соҳилҳои ғарбӣ ва ҷанубӣ хеле кам аст.
Олимон тахмин мекунанд, ки қисми шарқии материк миллионҳо сол қабл бо Аврупо ягонаи том буда, қисми шимолу ғарбии он бо Осиёи шимолу шарқӣ пайваст буд. Тарҳи соҳилҳо натиҷаи харакати пораҳои литосфера мебошад.
Дар сохти сатҳи Амрикои Шимолӣ ҳамвориҳо афзалият дошта, кӯҳҳо сеяки онро ишғол кардаанд. Шарқи материкро асосан ҳамвориҳо ташкил кардаанд. Ҳазор сол қисми зиёди ҳамвориро пиряхи азиме пӯшонда буд.
Амрикои Шимолӣ аз сарватҳои зеризаминӣ бой аст. Дар кӯҳҳои Аппалачи ва Кордилер конҳои ангиштсанг, дар пастии назди Мексика, Аляска, Арктикаи Канада нафту газ мавҷуданд.
Конҳои оҳак, никел, тилло, уран, мис ва металлҳои нодир (дар ноҳияи Кӯли Боло ва нимҷазираи Лабрадор ва ғайра, маъдани мис (дар кӯҳҳои Кордилер), захираҳои калони фосфорит (дар нимҷазираи Флорида), сулфур, намакҳои калий (дар ҳамвории Марказӣ ва пастии назди Мексика) ёфт шудаанд.
Нет комментариев