Чӣ тавр аз хурроккашӣ раҳоӣ ҷӯем?
Баъзе одамон шабона дар хоб хуррок мекашанд, вале аз он бехабаранд. Аммо бояд гуфт, ки дигаронро ин лаҳзаҳо хеле нороҳат месозад. Аз нигоҳи тиб, хурроккашӣ бо сабаби номустаҳкамии мушакҳои коми мулоим ба амал меояд. Барои ҳамин, вақте ки одам нафас мекашад, бофтаҳои мулоими ба ҳамдигар расида, овоз, яъне, хурроккаширо ба вуҷуд меоранд. Ин вазъият на танҳо ба нафароне, ки хобанд халал мерасонад, балки ба худи одами хурроккашидаистода низ зарар хоҳад расонд, зеро хурроккашӣ ҳангоми хоб метавонад инсонро аз нафаскашӣ боз дорад. Ба ин хотир, бояд хурроккаширо фавран муолиҷа намуд.
Азбаски сабаби асосии хурроккашӣ, мушакҳои ноустувори коми мулоим мебошад, барои раҳоёбӣ аз он бояд онро мустаҳкам намуд. Омӯзиш талаффуз кардани овози “и”-ро талаб мекунад, бояд ин амалро 20-30 маротиба иҷро кард. Ҳамин тавр, машқи мушакҳои коми инсон иҷро шуда, натиҷаи назаррас дар давоми як моҳ намоён мегардад.
Усулҳои анъанавии халосхӯрӣ аз хурроккашӣ мавҷуданд, масалан, бо ёрии карам метавон ин мушкилиро бартараф намуд.
Барои ин кор, ду ва ё се барги карамро аз гӯштқиммакунак гузаронида, ба он як қошуқи калон асал илова намуда, пеш аз хоб давоми як моҳ истеъмол мекунем. Ҳамчунин, метавон шарбати карамро нӯшид.
Равғани ангат (облепиха) низ барои муолиҷа намудани хурроккашӣ кӯмак мерасонад. Бо ин мақсад, чор соат пеш аз хоб ба сӯрохиҳои бинӣ бояд равғани ангат чаконд. Ин амалро мебояд дар давоми се ҳафта иҷро намуд.
Нет комментариев