Шамъ дар хоҷагии халқ ба таври васеъ истифода бурда мешавад. Бахусус, дар фасли сармо. Дар сурати ногаҳонӣ қатъ шудани қувваи барқ ва бисёр мавридҳои дигар беназир аст. Аммо баъзан ҳангоми истифода бурдан, қатраҳои рехтаи шамъ дар рӯйи қолин, онро безеб мегардонанд.
Дар бахши «Маслиҳатҳо», чанд роҳи аз қолин тоза кардани қатраҳои шамъро бароятон пешниҳод менамоем, ки дастрасии чунин мавод зарур аст:
- Яхпора
- Корди кунд
- Моддаи полиэтиленӣ
- Чангкашак
- Дарзмол
- Сачоқи коғазӣ (салфетка)
- Латта
- Скипидар (моеи тундбӯи зардчатоб, ки аз шираи дарахти сӯзанбарг ҳосил мекунанд)
- Собун
- Об
Дастурамал
Барои аз қолин тоза кардани қатрае аз шамъ, мебояд чунин корҳоро ба анҷом расонд. Пораи яхро аз яхдон гирифта, ба ҷои ифлосшуда гузоред. Вақте ки мум сард мегардад, онро бо ягон асбоби кундшуда, масалан, корд тарошед ва бо чангкашак тоза кунед. Зарраҳои боқимондаро низ бо кӯмаки ях сард кунонида, тибқи гуфтаҳои боло амал кунед. То ки қисмати дигари қолин тар ё доғ нашавад, яхпораро ба маҳсулоти полиэтиленӣ печонед.
Агар қолини шумо норавшан ва патҳояш дурушт бошад, метавонед онро бо роҳи гармкунӣ, аз доғ тоза кунед.
Барои ин кор, зарур аст, ки дарзмолро гарм кунед, на ин ки тафсонед. Дар ҷойи доғшуда, сачоқи коғазӣ ё дастмолро гузоред ва аз болояш дарзмол кунед. Агар доғ калон бошаду ҳангоми дарзмолкунӣ қолин аз он тоза нашавад, зурур аст, ки сачоқи коғазиро якчанд маротиба иваз кунед.
Қолинатон агар доғи начандон калон дошта бошад, скипидарро истифода баред. Матои мулоимро дар маҳлул тар карда, бо он қолинро тоза кунед.
Ҳамчунин, барои бартараф намудани доғҳо аз собун метавонед истифода баред. Қисмати зиёди мумро аз қолин тарошида гиред. Ба зарфи як литра оби гарм резед, баъдан ба он каме собуни ҷомашӯии тарошидашударо илова кунед. Собун дар об бояд хуб ҳал шавад.
Дар маҳлули омодашуда матоъро тар карда, бо он ҷойи доғдорро тоза кунед. Гузоред, ки қолин бо роҳи табиӣ хушк шавад. Дар ин ҳолат истифода намудан аз гармкунак ё манбаи дигари гармӣ мумкин нест.
Манбаъ: http://www.kakprosto.ru/
Нет комментариев