Яхмоси пломбир дар шароити хона ин тавр тайёр карда мешавад: 1 литр шир, 100 грамм равған, 2 истакон шакар, 1 қошуқи чойнӯши крахмал, 5 зардии тухмро мегирем. Пас аз он ширро дар зарф рехта дар болои оташ мегузорем, зуд равған илова мекунем. Ширро ҷӯшонида, ба он шакар ва крахмалро омехта мекунем, зардии тухмро илова карда то ба вуҷуд овардани хамири яклухт бо қошуқ мекобем. Сипас ба хамираи ҳосилшуда як миқдори хурди шир илова карда онро омехта мекунед, ки ба монанди қаймоқи моеъ монанд гардад. Ба шири ҷӯшидаистода тадриҷан хамираи ҳосилшударо рехта, доимо омехта мекунед. Вақте омезиш бори дуюм меҷушад, зарфро аз болои оташ гирифта дар даруни оби хунук мегузоред ва то гарм шудани омезиш мекобед. Сипас онро мегузоред, ки он хунук шавад. Омезиши хунукшударо дар қолабҳо гузошта ях мекунонед.
Барои тайёр намудани яхмоси шоколади ба шумо зарур аст:
— 3 зардии тухм;
— 1 қошуки чойнӯшии хокаи қанд;
— 300 грамм шир;
— 200 грамм шоколади талхи сиёҳ;
— 150 грамм қаймоқ.
Delicious chocolate ice cream for dessert
Зардии тухмро бо хокаи қанд кафк мекунонед. Шири қариб то ҳолати ҷушонида оварда шударо бо фавраи тунук саросема нашуда ба хамираи зардии тухм ва қанд рехта, онро омехта карда меистед. Креми ҳосилшударо аз ғалбер гузаронида ба зарфи тозаи чуқур резед. Онро дар болои оташ гузошта то ғафсшави нигоҳ доред. Сипас гузоред, ки хунук шавад, шоколад ва қаймоқи обкардашударо резед. Креми ҳосилшударо ба қолабҳо рехта ях кунонед.
Яхмоси лимӯгӣ ин тавр тайёр карда мешавад: 5 лимӯ, 150 грамм шакар, 2 истакон об, як ҷимда намак мегиред. Шакарро дар об ҳал мекунед ва сиропи тайёркадашударо дар оташи суст мегузоред. Пӯсти лимуро илова намуда то чушиш меоред, 5 дақиқа меҷушонед. Намак илова мекунед. Соф ва хунук мекунед. Шарбати аз 5 лимӯ фишурдаро илова мекунед. Хамирро дар қолабҳо рехта ях мекунонед.
Нет комментариев