Дар ҷахони муосир агар он президенти Амрико ва ё инсони оддии камбағал, мактабхон ё доктори илм бошад ҳам, ба саволи Coca-Cola чист?, бо осонӣ ҷавоби амиқу дақиқ медиҳад. Одамеро ёфтан душвор аст, ки ҳарфҳои калони ранги сафед доштаро дар ранги сурх нашиносад. Барои бисёрии амрикоиҳо калимаи Coca-Cola як чизи азиз аст.
Дорусози маҳаллӣ Ҷон Стит Пембертон дастури тайёр кардани нӯшокиеро, ки «Шароби фаронсавии кока — қавикунандаи беҳамтои кори майнаи сар» ном дошт, тағйир медиҳад. ӯ таркиби ин шаробро аз спирт тоза карда, онро бо моддаи дигари қувватбахшанда иваз намуд. Ин моддаи кимиёвиро дорусоз аз чормағзи кола пайдо кардааст, ки онро ба ин чо ғуломони африқоӣ оварда буданд. Ғуломон мегуфтанд, ки кола хуморолудагии дарди сарро бартараф мекардааст. Пембертон дорусозест, аввалин шуда шираи чормагзи коларо бо нӯшокии кока омехта кардааст. Маҳлули тайёршуда воқеан ҳам воситаи сахттаъсири рӯҳафзо шуда буд. Аммо маззаи нӯшокӣ хело дилбеҳузуркунанда буд. Барои беҳтар гардонидани сифати он дорусоз Пембертон боз заҳмати зиёде кашид.
http://ru.ela.mobi/?text=koca
Дар он замона «Кока-Кола» ҳоло газнок карда нашуда буд. Дар зери зарфи кола шарбати ғафси сиёҳтобе назаррас буд. Пембертон нӯшокии навро ба дорухонаи шаҳри Атланта мебурд, сохибони дорухонаҳо бошанд, коларо яклухт ва ё як донагӣ бо нархи 25 сент мефурӯхтанд. «Нӯшокии бе спирти рӯҳафзокунанда» бо талаботи калон аз ҷониби мардум харидорӣ карда мешуд.
Тобистони соли 1886 дар дорухонаи Якобс, ки дар он ҷо «Кока-Кола»-ро мефурӯхтанд, заминларза ба вуҷуд омад ва яке аз харидорони нӯшокии кола аз хуморолудагӣ азият мекашид. У як зарфи нушокии «Кока-Кола» харида, аз Уилли Венэйбл хоҳиш мекунад, ки зарфи нӯшокиро кушода, шарбати онро бо об омехта кунад. Венэйбл намехост, ки ба канори дигари бино барои об равад ва аз харидор мепурсад: «Шумо зид нестед, агар ман ба ҷои оби оддӣ ба дохили зарфи кола оби соддадор андозам?». Ба харидор бошад, фарқе надошт, ки у ба дохили кола чӣ меандозад, зеро ӯро дарди сар азоб медод.
Харидор якбора даҳони зарфро кушода, коларо нӯшид ва ногоҳ хитоб кард: «Эй ту, ана ин хело олӣ. Зӯр! Оби соддадор нисбат ба оби оддӣ маззаи нотакроре бахшидааст!» Ин суханони харидор оҳиста-оҳиста дар Атланта ба гӯши ҳамагон расид ва одамон колаи танҳо соддадоро менӯшидагӣ шуданд.
Худи ҳамон тобистон дар Атланта қонуне ба амал даромад, ки минбаъд нӯшидани нӯшокиҳои спиртиро расман манъ мекард. Ҳаҷми фурӯши «Кока-Кола» дар давоми як сол 25 галлон то 1049 галлон боло рафт, ки ин бо дастгирӣ ва сармоягузории ҳамкори Пембертон, Фрэнк Робинсон ба амал омада буд. Маҳз Фрэнк Робинсон ба нӯшоки номи «Кока-Кола»-ро додаст ва ӯ ба он логотип фикр карда баромадааст.
Кока-кола дар соли 1915-ум ниҳоят машҳур шудааст. Ҳамон сол нӯшокӣ дар зарфи намуди нав ба фурӯш бароварда шуда буд, ки дар натиҷа зиёда аз 6 миллиард дона зарфи ин нӯшокӣ ба фуруш рафта буд.
Дертар шакли зохирии зарфи Coca-Cola патентӣ карда мешавад.
Имрӯзхо аз лаҳзаи ташкилёбии ин ширкати бонуфузи ҷаҳонӣ аллакай сад сол гузаштааст. Ҳоло Coca-Cola дар 200 давлати дунё фурӯхта мешавад. Ҳамарӯза дар ҷаҳон зиёда аз 1 миллиард зарфи ин нӯшокӣ дар ширкат фурӯхта мешавад.
Нет комментариев