Доираи истифодаи чоп дар 3D-принтер, рӯз аз рӯз васеъ мегардад. Ҳамин тавр, L’Oreal технологияеро барои чопи пӯсти сунъӣ коркард намуд, байторон ба сангпушт рӯи нав офариданд, ғайр аз ин, аллакай роҳҳои дигар вуҷуд доранд, ки имконияти дар 3D-чопгарҳо сохтани телевизор, мебел, хонаҳо, мошин, узвҳои одамон ва ҳатто яхмос, ширинӣ ва дигар таомҳоро медиҳад. Дар айни замон NASA, лоиҳаҳоро оид ба чопи биноҳо ва ғайра дида баромада истодааст. Гуфта мешавад, ки дар Миррих ба нақша гирифтаанд тавассути дастгоҳи мазкур биноҳо бунёд созанд, дар Нидерландия бошад мехоҳанд ба зудӣ, дар 3D-чопгар пулеро дар болои ҷӯйбор чоп кунанд, дар Дубай ҷиддан мехоҳанд дастгоҳро дар татбиқи лоиҳаи бузург- чопи бинои калон, аз ҷумла девор, мебел ва дигар ҷузъҳояш истифода баранд.
Унсурҳои биноҳо бо истифода аз технологияи 3D-чопгар, пештар низ бароварда мешуданд, вале чунин лоиҳаи мураккаб бори аввал амалӣ карда мешавад. Кумитаи миллии навовариҳои АМА, дар ҳамҷоягӣ бо WinSun Global ва як қатор ширкатҳои дигар ҳамкориро ба роҳ мондааст. Ҳадафи ниҳоии лоиҳа – ин сохтмони бинои баландиаш 6 метр мебошад, ки дар он комилан ҳама чиз чоп карда мешавад. Хусусияти лоиҳа дар он аст, ки чопкунӣ дар ҷои муайян истифода бурда мешавад. Ин тадбир имконият медиҳад, ки ашё ба ҷои дигар интиқол нагардида, суръати раванди сохтмон тезонида шуда, ҳамзамон зарари имконпазир дар давоми расонидани ашё, аз байн бурда шавад.
WinSun Global, пештар ҳам дар Чин бинои истиқоматии шаш-ошёнаро, бо масоҳати 186 метри мураббаъ чоп карда буд. Дар лоиҳаи нав, мутахассисони ширкат мехоҳанд аз масолеҳи оҳану бетон, нахи мустаҳками пластикӣ ва нахи шиша бо гаҷ истифода баранд. Дар алоҳидагӣ блокҳо барои девор, мебел, ашёи ороишӣ чоп карда мешавад.
Муҳандисон мегӯянд, ки кор якчанд ҳафтаро мегирад. Истифодаи технологияҳои инноватсионии 3D-чоп ва маводҳои ғайристандартӣ, имкон медиҳад, хароҷоти меҳнати бинокорон аз 50-80% кам карда шуда, миқдори партовҳои сохтмон аз 30-60% паст карда шавад.
Гуфта мешавад, ки бино қисмати Осорхонаи Дубай хоҳад буд, ки соли 2017 кушода мешавад. Дар назар аст, ки дар бинои мазкур намоишгоҳҳо, конфронсҳо ва дигар чорабиниҳо гузаронида шавад.
Сарчашма: https://hi-tech.mail.ru/
Нет комментариев