Ҳайати дастаи мунтахаби Тоҷикистон оид ба гӯштини ҷудо барои иштирок дар Чемпионати ҷаҳон 2024 муайян гардид. Дар ин хусус шореҳи варзиши АМИТ «Ховар» бо истинод ба Федератсияи ҷудои Тоҷикистон хабар медиҳад.
Дар ин мусобиқаи сатҳи ҷаҳонӣ Ҷумҳурии Тоҷикистонро нуҳ паҳлавон: Муҳаммадсолеҳ Қувватов ва Эмомалӣ Нуралӣ дар вазни то 60 кг, Обид Ҷебов дар вазни то 66 кг, Беҳрӯзи Хоҷазода дар вазни то 73 кг, Сомон Маҳмадбеков дар вазни то 81 кг, Комроншоҳи Устопириён ва Муҳаммадҷон Абдуҷалилзода дар вазни то 90 кг, Ҷаҳонгир Маҷидов дар вазни то 100 кг ва Темур Раҳимов дар вазни +100 кг муаррифӣ менамоянд.
Хотиррасон мешавем, ки Чемпионати ҷаҳон 2024 оид ба гӯштини ҷудо аз 19 то 23 май дар шаҳри Абузабии Аморати Муттаҳидаи Араб баргузор мегардад.
Манбаъ: АМИТ Ховар
Нет комментариев