Сабаби асосии сохтани микроскпоб ин мубориза зидди касалии вараҷа мебошад. Дар давлатҳои тараққикардаистода барои ташхиси вараҷа қариб як миллиард санҷишҳои хун дар як сол гузаронидан лозим аст.
Микроскопи оддии лабораторӣ – таҷҳизоти қимматнок ва нозук мебошад. Ба олимони Стэнфорд сохтани микроскоп бо васеъкунии то 2000 муяcсар гардид, ки нархи ҷамъи қисмҳои он ба 97 цент расидааст. Дар ин бора habrahabr.ru. хабар медиҳад.
Тани микроскоп аз қоғази ғафс сохта шудааст. Ғайр аз ин микроскоп батарейкаи даврашакл, светодиод, калидаки электрикӣ, пораи лентаи миссин ва линзаи даврашакли шишагӣ ё ёқут дорад.
Микроскопии қоғазӣ ба осонӣ ба киса ҷой мешавад, вазнаш аз 10 грамм камтар аст, он метавонад чун микроскопии равшанкунанда, ториккунанда, поляризасионӣ ва люминесентӣ, ҳатто чун проектор кор кунад. Як батареяи он ба 50 соати корӣ мерасад.
Микроскоп ҳангоми истифода бурдани дағалона ва ҳатто ба болояш по гузоштан тобовар мебошад. Сифати расми микроскоп барои нишон додани инфексияҳои гуногун дар шароити саҳроӣ низ хуб мебошад.
Конструксияи оддӣ ва арзон будани он барои истифода бурдани микроскоп дар медисина, илм ва мактабҳо шароити хуб дорад. Микроскопро дар муддати 10-20 дақиқа ҷамъ кардан мумкин, нархи он арзон ҳам мешавад, агар ба ҷои линзаи ёқутӣ ягон оптикаи арзон ва камҳаҷмро истифода кунед. Дар вақти дарс ҳар як мактабхон худаш метавонад онро ҷамъ намояд ва якчанд таҷриба гузаронад.
Мақола дар бораи конструксия ва характеристикаи микроскоп дар сомонаи arXiv.org. оварда шудааст.
Нет комментариев