Дар Коста-Рика барои иваз намудани нӯли тукан ба протез омодагӣ мебинанд. Парранда аз ҷониби наврасон ҷабр дидааст. Чор ширкатҳои маҳаллӣ, иброз намудаанд, ки нӯли паррандаи биннидарози тропикиро тайёранд протез кунанд. Онҳо даъво намудаанд, ки барои ин имкониятҳои техникӣ доранд.
Барои барқарор кардани нӯли тукан, усули чопи се-ченака, ки он пештар бомуваффақият дар Иёлоти Муттаҳидаи Амрико барои офаридани нӯлҳои сунъии уқоб ва пингвин кор фармуда мешуд, истифода хоҳанд бурд, менависад BBC.
Тукан ба маркази кӯмакрасонӣ ба ҳайвонот дар моҳи январ оварда шуд. Қисми болоии нӯли ӯ дар натиҷаи харобкорӣ (вандализм) шикаста шуда буд. Расми паррандае, ки нӯлашро бадахлоқон шикаста буданд, дар саҳифаи рӯзномаҳои костариканӣ ва дар шабакаҳои иҷтимоӣ зоҳир шуд, ки боиси ғазаби сокинони кишвар гардид.
Ширкат барои сохтани протез ҳазор доллар ҷамъоварӣ намуд ва як қатор ширкатҳои маҳаллӣ низ кӯмаки худро пешниҳод намуданд.
Байтор Кармен Сото, ки паррандаи ҷабрдидаро нигоҳубин мекунад, иброз намудааст, ки аҳволи парранда беҳтар шуда истодааст ва ӯ мустақилона ба хӯрдани хӯрок оғоз намудааст. Вале ҳоло тукан хеле кам мехӯрад ва онро лозим меояд, ки дастӣ хўрок диҳем.
Cарчашма: matrix-tv.tj
Нет комментариев