Хоҷагиҳои кишоварзии ноҳияи Деваштич тасмим гирифтаанд, ки имсол 110 550 тонна картошка истеҳсол намоянд, ки ин нисбат ба соли гузашта 10 000 тонна зиёд мебошад.
Тибқи иттилои масъулини соҳаи кишоварзии ноҳия соли равон майдони кишти картошка дар ҳамаи шаклҳои хоҷагидорӣ 4 422 гектарро ташкил медиҳад, ки аз он замини картошкаи хоҷагиҳои кишоварзӣ 3257,7 гектар ва аҳолӣ 1164,3 гектар мебошад. Майдони кишти картошка нисбат ба солҳои қаблӣ 647 гектар зиёд гардида, аз он 619 гектар аз ҳисоби хоҷагиҳои кишоварзӣ ва боқимонда 28 гектар аз аҳолӣ аст.
То имрӯз бештар аз 2000 гектар майдони картошкаи ҳоҷагиҳои кишоварзии ноҳия наздик 52000 тонна ҳосил ҷамъоварӣ гардида, дар ин самт корҳо идома доранд.
Ба иттилои роҳбарияти ноҳия хоҷагиҳои кишоварзии ноҳия барои васеъ намудани майдони картошка, баланд бардоштани ҳосилнокии он ва ба ин васила таъмини бозори дохилӣ бо картошкаи хушсифат аз имкониятҳои мавҷуда пурсамар истифода бурда, кӯшиш менамоянд, ки мардумро бо картошкаи босифати худӣ таъмин созанд.
Манбаъ: Хадамоти матбуоти Раиси вилояти Суғд
Нет комментариев