Дараи Ромит яке аз мамнўъгоҳҳои машҳури Тоҷикистон ба шумор меравад, ки соли 1951 дар масофаи 16,1 ҳазор га ташкил шудааст.
Мамнўъгоҳи Ромит ба намуди секунҷа монандӣ дорад. Иқлими ин минтақа ба қисми қаторкўҳҳои Ҳисор тааллуқ дорад. Миқдори боришот дар нимсола ба 800-1000 мм расида, шумораи зиёди он ба фасли зимистону баҳор рост меояд, боронгарӣ хеле кам ба назар мерасад. Қабатҳои барфҳо аз охири моҳи ноябр то моҳи март меистад. Ҳарорати солонаи ҳаво ба 9,8 дараҷ а мерасад (дар моҳҳои июл-август +38 С) ба қайд гирифта шуда, минималӣ бошад (дар моҳҳои декабр-январ -30 С) ба қайд гирифта шудааст.
Нишондодҳои иқтисодии минтақаи Ромит
Минтақаи Ромит ҷамоатҳои деҳоти Баҳор, Симиганҷ, Ҷўёнгарон ва Ромитро дар бар мегирад. Ин минтақа 76 ҳазору 199 нафар аҳолӣ дорад. Дар ин минтақа 54 мактаби таҳсилоти ҳамагонӣ ва 4 кўдакистон арзи вуҷуд дошта, дар онҳо 16 ҳазору 323 нафар хонандагону кўдакон таълиму тарбия мегиранд, ки ба онҳо 911 нафар омўзгорону мураббияҳо сабақ меомўзонанд. Сокинони ин минтақа аз 6 беморхонаи ҷумҳуриявию минтақавӣ, 29 дармонгоҳу нуқтаҳои тиббӣ истифода мебаранд. Корхонаҳои маданӣ-равшаннамоӣ дар 15 хонаи маданият, клубу китобхонаҳо вобаста ба талаби рўз ба рўз монда шудааст. Дар Ҷамоати деҳоти Баҳор, Симиганҷ, Ҷўёнгарон ва Ромит 6067 нафар нафақагирон ба қайд гирифта шудааст.
Вобаста ба саҳмияашон ба деҳқонон дар Ҷамоати деҳоти Баҳор 36 хоҷагии деҳқонӣ дар майдони 47,5 гектар, ҷамоати Симиганҷ 65 хоҷагии деҳқонӣ дар майдони 73 гектар, Ҷамоати деҳоти Ҷӯёнгарон 62 хоҷагии деҳқонӣ дар майдони 71,1 гектар замин ҷудо карда шуда , дар ин хоҷагиҳо 815 нафар одамон бо ҷои кор тамин мебошанд.
Дар ин минтақа гармхонаи тобистона, фабрикаи парандапарварӣ, заводи консервбарорӣ, идораи занбури асалпарварӣ, хоҷагиҳои ҷангали Кофарниҳон, Ромит, боғи педагогӣ, истироҳатгоҳҳои Вазорати фарҳанг, Тоҷикстройиндустрия, Ховар, Роҳи оҳан, Комбинати орд, Явраз, лагерҳо, деҳаҳои Нозирообод, Личак, Шоразм, Гулнгарон, Ёс, Тисеман, Ромитро дар бар мегиранд ба заводи шарбатбарорӣ арзи вуҷуд дорад.
Хоҷагиҳо ва корхонаҳои ин мавзеъ 2800 га замини киштшаванда, аз ҷумла 20-60 га замини обӣ, 580 га замини боғот ва 170 токзорро ихтиёрдорӣ менамоянд.
Хоҷагиҳо барои 457 сар чорвои калони шохдор, 2311 сар чорвои майда ва 155 сар асп шароит муҳайё кардаанд, ки ба ғайр аз ин меҳмонхонаҳо, тарабхонаҳои замонавӣ низ вуҷуд доранд. Дар ин минтақа гармчашмаи шифоии «Зайрон» ҷойгир буда, шабакаи барқи шаҳр хатҳои баландшиддатро ба истифода додааст.
Дар маркази деҳаи Ёз, Явраз ва шаҳраки Ромит ошхона, мағозаи молҳои ниёзи мардум, чойхона ба истифода дода шудаанд.
Нет комментариев