Сафири Тоҷикистон дар Украина Давлаталӣ Назризода дар Киев бо муовини вазири корҳои хориҷии Украина Дмитрий Сеник мулоқот кардааст.
Бино ба иттилои департаменти иттилооти Вазорати корҳои хориҷии Ҷумҳурии Тоҷикистон, дар ҷараёни мулоқот ҷонибҳо вазъи кунунӣ ва дурнамои муносибатҳои дуҷонибаро баррасӣ карданд.
Ҳамзамон, мусоҳибон ба таҳкиму густариши ҳамкориҳои Тоҷикистону Украина дар чаҳорчӯби созмонҳои байналмилалӣ ва минтақавӣ, ҳамчунин, тиҷорату иқтисодӣ, башардӯстона ва тавсеаи минбаъдаи заминаи ҳуқуқӣ таваҷҷуҳи хоса зоҳир карданд.
Таъкид гардид, ки барои рушду тавсеаи равобит ва ҳамкории ду кишвари дӯст корҳои зиёде анҷом дода шуда, ба натиҷаҳои соли сипаришуда баҳои мусбат дода шуд.
Аз руи маводҳои avesta.tj
Нет комментариев