Размикори тоҷик Нурулло Алиев (10-0) пас аз осебе, ки дошт дубора қавӣ баргашт ва пирӯзиро соҳиб шуд. Дар шаҳри Лас-Вегаси Амрико дар мусобиқаи UFC Fight Night 249 варзишгари мо бо Ҷо Солеккии (13-6) мизбон нерӯ санҷид.
Мубориза барои се раунд аз панҷ дақиқа пешбинӣ шуда буд ва то охир идома ёфт. Дар се раунди мубориза размикори тоҷик хубтар ва фаъолтар ба назар мерасид. Комилан мантиқист, ки ӯ бо қарори якдилонаи доварон дар идома пирӯз шуд.
Ҳамин тариқ, Алиев рекорди худро дар муҳорибаи омехта то 10-0 (UFC 2-0) беҳтар кард. Ин нахустин задухӯрди Нурулло аз моҳи феврали соли 2023 буд. Солекки дар муддати кӯтоҳ вориди набард шуд ва ин сеюмин бохти пай дар пайи ӯ аст.
Ёдовар мешавем, ки размикори маъруфи кишвар Нурулло Алиев аввалин рақобати худро дар бонуфузтарин ташкилоти ҷаҳонии UFC бо ғалаба оғоз намуда буд. Нурулло 26- уми феврали соли 2023 дар штати Невадаи ИМА бар муқобили ҳарифи худ Рафаел Алвес аз Бразилия қувваозмоӣ намуда, бо қарори якдилонаи доварон ғалаба карда буд.
Манбаъ: Варзиш-Тв
Нет комментариев