Тамғаи шабакаи иҷтимоии машҳуртарин дар сайёра, аз соли 2005 вақте лоиҳа оғоз гардид, тағйир наёфтааст. Аммо пас аз даҳ сол, дар Facebook қарор доданд, ки кунун вақти тағйири тамға фаро расидааст. Вале тамғаи нав аз қаблӣ фарқияти начандон калон дорад. Намояндагони ширкат мегӯянд, ки тафсири нав барои нишон додани имкониятҳои бузурги шабакаҳои иҷтимоӣ тарҳрезӣ шудааст.
Ҷош Хиггинс (Josh Hihhins), директори эҷодии Facebook чунин ибрози андеша намуд:
«Вақте ки соли 2005, бори аввал тамғаи Facebook таъсис дода шуд, ширкат нав ба фаъолият шурӯъ намуда буд. Мо бисёр мехостем,ки тамға ба таври ҷиддӣ қабул карда шавад. Акнун, вақте ки мо мавқеи устуворро соҳиб гаштем, мехоҳем тамғаро боз ҳам мукаммалтар созем, то ба ҳама дастрас гардад. Мо бисёр имкониятҳоро дида баромадем ва дар охир қарор додем, ки бояд тамғаамонро навсозӣ кунем.
Нусхаи ихчами тамға дар намуди «f» бетағйир боқӣ монд, вале шакли пурраи тамға навсозӣ шудааст. Аз болои он, дастаи тарҳрезони шабакаи иҷтимоӣ дар ҳамкорӣ бо Эрик Олсон, аз Process Type Foundry корбарӣ намудааст. Ӯ ҳуруфи Klavika-ро коркард намуд, ки дар тамғаи аслӣ истифода бурда мешуд. Ҷолиби диққат аст, ки дар конфронси дирӯза дар Facebook, муассиси шабакаи иҷтимоӣ Марк Зукерберг, диққати ҳозиринро ба тағйирёбии тамға ҷалб нанамуд.
Сарчашма: https://hi-tech.mail.ru/
Нет комментариев