Фазои озод аз стигма: Хакатон дар вилояти Суғд

Имрўз 30-апрел дуюмин рўзе, ки иштирокчиёни Хакатон дар вилояти Суғд барои занони гирифтори ВНМО мавод /лоиҳаҳо таҳия карда истодаанд. Хакатон аз 28 апрел то 1 майи соли равон дар Маҷмааи табобативу солимгардонии “Баҳористон” (воқеъ дар шаҳри Гулистон)-и вилояти Суғд аввалин маротиба хакатони махсус дар мавзӯи: “Занон ва бемории ВНМО” аз ҷониби Сохтори Созмони Миллали Муттаҳид оид ба масъалаҳои баробарии гендерӣ ва васеъгардонии ҳуқуқу имкониятҳои занон (ООН-Занон) дар ҳамкорӣ бо Дафтари Барномаи муштараки СММ оид ба ВНМО/БПНМ (ЮНЕЙДС) дар Ҷумҳурии Тоҷикистон ва Шабакаи занони гирифтори ВНМО дар Ҷумҳурии Тоҷикистон баргузор шудаистодааст.Дар Хакатон 9-дастаҳои муқобил дар се самти муайян лоиҳаҳои худро омода карда истодаанд.Бояд қайд намуд, ки аъзои ҳакамон низ ҳамчун як даста дар Хакатон ширкат варзидаистода, аз паи ҷустуҷўи лоиҳа ва натиҷаҳои назаррасанд.

Аъзои ҳакамон дар Хакатон:

Азиза Хомидова — Роҳбари намояндагии занони СММ дар Тоҷикистон
Алина Ярославская — Мутахассиси алоқаи мобилӣ дар шабакаи занони Авруосиё оид ба СПИД
Чарос Максудова — Мушовири ЮНЕЙДС
Фозилбекова Сумангул – Эпидемиолог
Абдуев Абдукарим – Эпидемиолог
Акбарова Элмира — Муттахассиси омори тиббӣ ва шўъбаи кадрҳои Муассисаи Давлатии Маркази Ҷумҳуриявии ВНМО ва БПНМ

9-даста бо се самт равона буда, дар ҷамъбасти хакатон се ҷойҳои якум, дуюм, ва сеюм муайян мегарданд.Чанде пас дастаҳо маводи худро ба ҳакамон пешкаш намуда, аз паи ҳимояи лоиҳаҳои тартибдодаашон мешаванд. Бояд қайд намуд,ки ғолибон бо сертификат ва тўҳфаҳои хотирави қадрдони карда мешаванд.