Дар замони Шӯравӣ дар рафҳои мағозаҳо гӯштҳои мурғи ба назар лоғар дар фурӯш буданд, аммо тамъи хубе доштанд. Аммо мурғҳои ҳозира ба назар фарбеҳ менамоянду лекин тамъи хуб надоранд. Аз рӯи гуфти мутахассисони соҳаи мурғпарварӣ дар замони гузашта мурғҳои зоти бройлерро парвариш наменамуданд. Бройлер аз калимаи англисии «бройл» гирифта шуда, маънояш «дар оташ доғ кардан аст» ва зоти мурғҳои гӯштӣ буда, тухм намегузоранду пас аз 6-8 моҳи умри худ ҳамчун гӯшт ба рафҳои мағозаҳо ба савдо мебароянд. Албатта дар таркиби гӯшти онҳо ҳормонҳо ва антибиотикҳо мавҷуд аст, зеро аз сабаби он, ки ин мурғҳо ба касалиҳо гирифтор мешаванд, ба таркиби хӯроки онҳо антибиотикҳо ҳамроҳ карда шуда, онҳоро прививка мекунанд. Ғайр аз ин, ба хӯроки онҳо барои тез инкишоф ёфтанашон ҳормонҳои зудинкишофдиҳанда ҳамроҳ карда мешавад.
Албатта дар тиҷорати гӯшти мурғ истеҳсолкунандагон даромади хуб ба даст меоранд. Гӯшти мурғи хонагӣ барои тайёр намудани мурғшӯрбо ба мақсад мувофиқ аст ва гӯшти мурғи зоти бройлер барои мурғшӯрбо ин лаззатро надорад. Аммо барои мурғбирён албатта, гӯшти мурғи зоти бройлер хуб аст, зеро агар аз гӯшти мурғи хонагӣ истифода намоем, ҳангоми доғ додан, гӯшти он нисбатан сахт ва хушк мешавад, ки дар байни дандонҳо руст мемонад. Саволе ба миён омаданаш мумкин аст, ки пас ин иловагиҳо барои чӣ лозим аст? Эмулгаторҳо ва стабилизаторҳо намиро хуб нигоҳ медоранд ва ҳангоми яхобкунонии гӯшт об аз таркиби гӯшти мурғ ҷудо нагардида, дар дохили он мемонад.
Қисми зиёди гӯшти мурғҳое, ки дар мағозаҳо фурӯхта мешаванд, гирифтори касалии салмонелёз мебошанд. Инро Донишкадаи умумирусиягии озмоишҳои истеъмолӣ муайян намудааст. Салмонелёз бемории инфексионии меъда мебошад, ки нишонаҳои он партофтан, понос, судорог буда, оқибатҳои вазнин доштанаш ҳам мумкин аст ва дар баъзе ҳолатҳо ба марг оварда мерасонад. Мумкин аст, ки ҳар яки мо аз гӯшти гирифтори чунин беморӣ истифода намуда бошем. Аммо на ҳама ба ин касалӣ гирифтор мешаванд. Иммунитети одами калонсол ба ин беморӣ тобовар аст. Аммо организми кӯдаки хурдсол ба ин тобовар нест ва баъди истеъмоли ин намуд гӯшт, метавонад ба заҳролудшавӣ гирифтор шавад. Дар ҳолатҳои вазнинӣ, ин касалӣ ба муолиҷа дода намешавад.
Барои ҳамин ҳам мутахассисон маслиҳат медиҳанд, ки барои истеъмол намудан, гӯшти мурғро ҳатман бо равған дар дараҷаи 200 градус доғ диҳед ва 30 дақиқа дар оташи паст гузоред. Ин касалӣ ба ҳарорати баланд тобовар нест. Ҳамаи он асбобҳое, ки ҳангоми реза кардани гӯшти мурғ истифода намудед, бо оби ҷӯш шӯед, зеро ин беморӣ паҳншаванда аст. Инчунин гӯшти мурғи мӯҳлаташ гузашта ва ё вайроншуда бо маҳлули маргансов ва ё белизна тоза намуда, ба фурӯш мегузоранд, ё ин ки аз он дигар маҳсулот тайёр менамоянд. Барои ҳамин ҳам, пеш аз харидорӣ метавонед онро бӯй кашед, агар бӯи хлор намояд, дар ин ҳолат онро бо белизна шӯстаанд…
Нет комментариев