Ширкати пешсафи Google, ки мехоҳад тамоми ҷаҳонро интернетӣ кунонад, лоиҳаи навро барои пахш тайёр карда истодааст, ки он имконият медиҳад то истифодабарандагон ба шабакаи ҷаҳонии беноқил дастрасӣ пайдо кунанд. Барои ин бастани шартнома бо оператори алоқаи амрикоии Sprint Corporation, ҳамзамон бо T-Mobile дар нақша гирифта шудааст.
Дар худи ширкат меҳисобанд, ки чунин тадбирҳо рақибони ширкатро маҷбур месозад то ки тарифҳои хизматрасонии интеретро паст намуда, инчунин сифати алоқаи пайвастро хуб намоянд.
Чунин нақшаҳои Google ба истифодабарандагон дастрасии босифати коннектҳои машҳури хизматрасонии фирмавии Gmail ва YouTube-ро медиҳад. Ба ин роҳ, ширкат мехоҳад хизматрасонии худро аз сервер то хотимаи сигнали Wi-Fi дар хонаи муштарӣ таҳти назорат қарор диҳад. Айни ҳол маълум нест, кай Google интернет провайдер мегардад, инчунин, хизматрасонии беноқил чӣ қадар арзиш дорад. Хотиррасон мекунем, ки аз соли 2012 ширкат дастрасӣ ба шабакаҳои фарох (оптоволокно) бо ёрии Google Fiber таъмин менамояд.
Ба ғайр аз ин суръати пайвастшавии воридот/содирот метавонад то як гигабит дар як сония бошад. Бо вуҷуди ин минтақаи таъсири Google дар ин намуди хизматрасонии сегментӣ хеле маҳдуд аст. Айни ҳол лоиҳаи мазкур танҳо дар Канзас-Сити кор мекунад, лекин дар худи ширкат тасдиқ мекунанд, ки ин ҳоло оғози кор аст.
Манбаъ: matrix-tv.tj
Нет комментариев