Имрўз ҳар муштарии алоқаи мобилӣ бо мушкилии саривақт пайваст нашудан бо шахси дилхоҳ, бо сабабҳои хомўш будани телефон, аз ҳад зиёд сербор будани хати алоқа ё ин ки берун аз мавзеи дастраси мавҷ будан, дучор шудаанд. Ин вақт онҳоро зарур мешавад, аз телефонҳои кайҳонии хизматрасониашон қимат истифода баранд.
Баъди пайваст шудан истифодабаранда метавонад бо хабарномаҳои матнӣ ва координатҳои ҷуғрофӣ бе истифодаи интернет ё шабакаи мобилӣ,бо дигар муштариёни GoTenna дар алоқа бошад. Таҷҳизоти навро бо воситаи замимаи дар смартфон муҷаҳҳазшуда идора кардан мумкин аст.
Акс аз:http://www.3dnews.ru/Вақте ширкати GoTenna байни муштариёнаш алоқаи ба ҳам пайвастаро бо истифодаи радиомавҷҳои поёни фароҳам месозанд, он вақт истифодабарандагон на танҳо бо як одам, балки бо гурӯҳи одамон гуфтугў карда метавонанд. Ҳамчунин сигнали садамавиро низ ирсол карда метавонанд, ки он вақт хабарнома ба кулли онҳое, ки дар мавзеи амали таҷҳизот қарор доранд, рафта мерасад.
Тавре ихтироъкорони таҷҳизот таъкид месозанд, радиуси амали таҷҳизоти нав наздик 80 километр буда, ин миқдор масофа барои истифодаи одамоне, ки аз якдигар на чандон дур қарор доранду алоқаи мобилӣ барояшон дастрас аст, басандагӣ мекунад. Тавре, toptechnews.com иттилоъ медиҳад, акумулятори таҷҳизот барои 3 шабонарўз ё 30 соат истифодаи бетанаффус кифоя аст.
Акс аз:http://www.3dnews.ru/Таҷҳизоти GoTenna ҷуфт-ҷуфт бо арзиши 299 доллар ҳар ҷуфташ фурўхта мешавад. Аммо, ҳоло шумо метавонед онро пешакӣ фармоиш диҳед, ки арзиши он 149 доллар тариқи пешпардохт аст.
Сарчашма: hi-news.ru
Нет комментариев