Дар асоси қарори Маҷлиси вакилони халқи вилояти Суғд аз санаи 30 июни соли равон дар ҳавзаи интихоботӣ ба № 5 «Масҷиди сурх»-и шаҳри Хуҷанд, ба ивази вакили хориҷшуда, санаи 30 августи соли равон интихоботи такрорӣ ба мақоми вакили Маҷлиси вакилони халқи вилояти Суғдро, баргузор гардид.
Дар ҳавза ду нафар номзад Гулбаҳор Махкамова ва Хайём Турсунов ба кайд гирифта шуда буданд.
Назар ба маълумоти комиссияи ҳавзавии интихобот ба Маҷлиси вакилони халқи вилояти Суғд интихобот тибқи талаботи қонунҳои амалкунандаи кишвар доир гашта, дар он аз 16 565 нафар ҳуқуқи дар интихобот иштирок дошта, 13336 нафар дар рӯзи интихобот ширкат намуданд, ки он 80, 5 % -ро ташкил медиҳад.
Аз шумораи умумии дар интихобот иштирок дошта, 64,1 % сокинон ба тарафдории Гулбаҳор Маҳкамова овоз доданд. Бо назардошти ин тибқи натиҷаи овоздиҳӣ Гулбаҳор Маҳкамова вакили Маҷлиси вакилони халқи вилояти Суғд аз ҳавзаи интихоботии № 5 «Масҷиди сурх»-и шаҳри Хуҷанд интихоб гардид.
Махкамова Гулбаҳор Махсудовна 19 сентябри соли 1971 дар шаҳри Хуҷанд, вилояти Суғд дар оилаи зиёӣ таваллуд шудааст. Соли 1988 баъди хатми мактаби миёнаи №22 ба Донишгоҳи Давлатии Хуҷанд ба номи академик Б.Ғафуров, факултаи «Забон ва адабиёти рус» дохил шуда, онро соли 1993 бо муваффақият хатм карда, соҳиби ихтисоси омўзгори фанни забон ва адабиёти рус гардидааст. Барои гирифтани маълумоти дувум ба факултаи иқтисодии донишгоҳи номбурда дохил шуда, онро соли 2005 бо дипломи аъло хатм намуда, соҳиби ихтисоси иққтисодчӣ гардидааст. Номзади илмҳои таърих ва антропология мебошад. фаъолияти кориро аз соли 1993 дар вазифаи омўзгори кафедраи забони русии муосир дар Донишгоҳи Давлатии Хуҷанд ба номи Б.Ғафуров оғоз намудааст. Аз соли 1998 то ин ҷониб дар вазифаи Директори генералии Ассотсиатсияи миллии занони соҳибкори Тоҷикистон фаъолият мебарад. Ҳамзамон солҳои 2005-2008 дар вазифаи Ҷонишини аввали директори генералии Фонди байналхалқии қарздиҳии хурди «ИМОН» ва аз соли 2008 то ин ҷониб ба ҳайси Ҷонишини аввали директори генералии ҶДММ ТАҚХ «ИМОН ИНТЕРНЕШНЛ» фаъолият мебарад.
Махкамова Гулбаҳор хатмкунандаи барномаи байналмиллалии омӯзишии «Роҳбарӣ барои рушди устувор» буда, ҳамзамон, дорандаи стипендияи «Барномаи мубодилавии минтақавии ACCESS» дар Донишгоҳи Колумбия, Ню Йорк, ИМА мебошад. Дар чандин тренингу машваратҳои касбӣ ширкат варзида, донишу малака ва маҳорати роҳбарикунандаи худро сайқал намудааст. Аз ҷумла иштирокчии барномаи дусолаи «Зан ва мавқеи он дар рушди устувор», LEAD International, ИМА; Омузиши «Банақшагирии тиҷорат ва тарҳрезии молиявӣ», Маркази молиявии хурди Полша, ш. Тбилиси, Гурҷистон; Семинари таҷрибавии «Баҳогузории таъсиррасонӣ ба мизоҷ», SEEP, Вашингтон, ИМА; Давраи таҷрибаомӯзӣ дар бонки молиявии хурди «ACLEDA», Камбоҷа; Тренинги «Маблағгузории хурди устувор» дар ш. Турини Итолиё ва ғайра дар миқёси байналмиллалӣ мебошад.
Ӯ соли 2012 нахустин озмуни ҷумҳуриявии «Фараҳ» — беҳтарин зани соҳибкорро дар Тоҷикистон ташкил намудааст, ки минбаъд он дар ҳар ду сол як маротиба дар миқёси ҷумҳурӣ бо ташаббуси Ассотсиатсияи Миллии занони соҳибкори Тоҷикистон ташкил ва гузаронида мешавад.
Гулбаҳор Махсудовна бо Ифтихорнома ва Сипосномаи Мақомоти иҷроияи ҳокимияти давлатии шаҳри Хуҷанд сарфароз гардидааст. Аъзои Ҳизби Халқи-Демократии Тоҷикистон мебошад. Оиладор, соҳиби 3 фарзанд аст. Номзадиашро ба вакили Маҷлиси вакилони халқи вилояти Суғд аз Ҳизби Халқи-Демократии Тоҷикистон пешниҳод кардааст. Дар ин бора http://www.khujand.tj/tg/arhiv/1267-intikhobot хабар медиҳад.
Деревья, по которым течёт металл
Представьте, что вместо сладкого сока по жилкам берёзы бегут ядовитый никель и кобальт. А ведь такие деревья взаправду есть! Некоторые растения приспособились к почвам, в которых зашкаливает ...
Нет комментариев