Хирсҳо низ даррандаи калонтарин мебошанд. Онҳо мувофиқи минтақаашон аз якдигар бо рангу вазнашон фарқ мекунанд. Хӯроки онҳо асал, занбӯруғ, чалгуза, меваю сабзавот, мурча, ҳар гуна ҳашарот мебошанд. Онҳо оҳу, гавазн, хуки ёбоӣ ва ҳайвоноти хонагиро шикор мекунанд. Ба дарё рафта, моҳӣ дошта мехӯранд. 
ХИРСИ САФЕД
Хирси сафед дар уқёнуси яхбастаи шимолӣ дар рӯи пиряхҳо зиндагӣ мекунад. Вазнаш то 1 тонна мешавад. Вай бештар морж, тюлен ва гурбаҳои баҳриро шикор мекунад.
ХИРСИ МАЛЛА
Хирси малла дар Амрикои Шимолӣ бисёр аст. Вазнаш 800 кг мешавад. Хеле даррандаи бадҳайбат мебошад. Вай ба ҳайвонҳои калони сумдор ҳамла карда, онҳоро мехӯрад.
ХИРСИ СИНАСАФЕД
Ин намуди хирс дар ҷангалҳои Россия ва Осиё бисёр аст. Инчунин дар Тоҷикистон ҳам вомехӯрад. Вазнаш 400 кг мебошад. Хӯрокаш асал, мурча, меваю сабзавот ва чорвои хонагӣ мебошад. 
ПАНДА
Панда, яъне хирси ало дар ҷануби Хитой ва Индонезия зиндагӣ мекунад. Ин намуди хирс хеле чаққону чолок аст. Вазнаш 160 кг мешавад. Хӯрокаш ба монанди дигар хирсҳо мебошад.
Хирсҳоро дар сиркҳо истифода мебаранд. Аз пӯст ва пашми онҳо ҳар гуна либос тайёр мекунанд. Куштани онҳо манъ аст.
Нет комментариев