Якчанд хабар аз сомонаи ВКД:
Инчунин дар ин рӯз, тахминан соати 17:00-дақиқа, марди 20-солаи сокини ноҳияи Б.Ғафуров, аз беэҳтиётиаш дар ҳавзи шиноварии мактаб афтида, ба ҳалокат расидааст.
Ҳамин тариқ, тахминан соати 17:00-дақиқа, марди 47-солаи сокини шаҳри Турсунзода, ҳангоми оббозӣ кардан дар дарёи Қаратоғи шаҳри Турсунзода аз беэҳтиётиаш ғарқ шуда, ба ҳалокат расидааст.
Ба ШВКД дар ноҳияи А.Ҷомӣ зани 32-солаи сокини ҳамин ноҳия муроҷиат намудааст, ки санаи 02.07.с.2016 тахминан соати 17:30-дақиқа, шахси номаълум дар назди кӯчаи Гулистони ноҳияи мазкур ӯро лату кӯб намуда, бо роҳи зӯроварӣ аз дасташ 1-адад телефони тамғаи “Самсунг-5880”, ки арзишаш 500-сомониро ташкил медиҳад, тасарруф намуда, аз ҷойи ҳодиса ғайб задааст.
Дар натиҷаи гузаронидани чорабиниҳои оперативӣ-ҷустуҷӯӣ кормандони милитсия марди 22-солаи сокини ноҳияи А.Ҷомиро бо гумони содир намудани ҷинояти ғоратгарӣ дастгир намуданд.
Нисбати далели мазкур парвандаи ҷиноятӣ оғоз шуда, тафтишот давом дорад.
01.06.с.2016, тахминан соати 21:30-дақиқа, ронандаи автомашинаим тамғаи “Тайота Марк-2” марди 60-солаи сокини шаҳри Конибодом, дар ҳолати мастӣ, дар роҳи мошингарди кӯчаи Ёдгорови шаҳри мазкур, пиёдагард, марди 40-солаи сокини ҳамин шаҳрро пахш намудааст. Дар натиҷа охирон ҷароҳати ҷисмонӣ бардошта, дар беморхона ба ҳалокат расидааст.
Манбаъ: Сомонаи ВКД
Нет комментариев