Бошгоҳи муқтадири шоҳонаи “Реал Мадрид” тими “Атлетико”-ро дар бозии аввали даври нимниҳоии Лигаи қаҳрамонҳои Аврупо сарафканда сохт. Дидори дастаҳо дар варзишгоҳи «Сантяго Бернабеу»-и шаҳри Мадрид сурат гирифта, бо ҳисоби 3:0 ба фоидаи соҳибони майдон хотима ёфт. Дар ин сабқати ҳамшаҳриҳо сафдари голандози гаразмониҳо Криштиану Роналдуи бенадиду беҳамтои дастон ба қавле боз ҳам бар муҳри голандозии худ баргашта, тақдири қувваозмоиро бо зарбаҳои дақиқу дурусти сару пояш ҳаллу фасл кард. Ба вижа голи якуми ба дарвозаи ҳарифон таслимкардаи Роналду дар нимаи аввали дидор издиҳоми мухлисонро ба ваҷд оварда, ту гуфтӣ онҳоро башорату қаноат дод, ки дар ин бозӣ пирӯзӣ дар ихтиёри “Реал” аст. Дар дақиқаи 73-юм Роналду тӯбро аз пойи Фелипе Луис рабуда, бо як зарбаи оҳангарона афзалияти бошгоҳашро дуболо кард. Дар вақти асосии бозӣ ҳуҷумкунандаи дастаи “Реал” Роналду бо истифода аз партофти тиросои Лукас Васкес хати дифои “Атлетико”-ро ғофилгир намуда, басо хунсардона тӯби 3-юмро ба дарвозаи рақибон супурдан ёрист. Бозии ҷавобии дастаҳо 10 –уми майи соли равон дар майдони «Висенте Калдерон» дар назар аст.
Манбаъ: www.varzishtv.tj
Нет комментариев