Дар толори Мактаб барои хонандагони болаёқати шаҳри Хуҷанд маросими қадршиносии ғолибони олимпиадаҳои фаннии хонандагон баргузор гардид.
Фирӯза Нуруллозода, муовини раиси шаҳри Хуҷанд, ғолибони даври шаҳрии олимпиадаро аз номи роҳбарияти шаҳр муборакбод намуда, аз ҷумла таъкид дошт, ки таваҷҷӯҳ ва ғамхориҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон нисбат ба мактабу маориф, илму маърифат, таълиму тарбия ба ҳамагон мисли офтоб равшан аст. Зеро илму маориф омили асосии саодати миллат ва бақои човидонагии халқу давлат аст. Бе инкишофи илму маориф ва таълиму тарбияи шоиста таъмини пешравӣ ва шукуфоӣ дар ҷомеа номумкин аст. Ниёгони сарбаланди мо илму донишро бузургтарин сарвати зиндагӣ ҳисобида ганҷи хирадро аз ҳама ганҷҳои дигар воло шумурданд.
Иттилоъ дода шуд, ки аз синфҳои 5-11 1822 нафар хонандагон дар олимпиадаи шаҳрӣ ширкат варзида, маҳорату малокаи хешро имтиҳон намуданд. Аз синфҳои 5-8 198 нафар ва аз синфҳои 9-11 бошад 261 нафар толибилмон сазовори ҷойҳои ифтихорӣ гардиданд.
Сипас, ба ғолибони олимпиада диплом ва сипосномаҳои шуъбаи маорифи тақдим карда шуд.
Манбаъ: Хадамоти матбуоти Раиси вилояти Суғд
Нет комментариев