Дирӯз санаи 26 сентябр дар шаҳри Хуҷанд намояндагони якчанд халқу миллатҳо дар Фестивали таронаҳои дӯстӣ таҳти унвони «Дастархони Суғдӣ» гирди ҳам омаданд. Иштироккунандаҳо дар чорабинӣ дасти холӣ наомада бо хӯроку хӯришҳои дастархонбоби худ омаданду, анвоъи хурданиҳое, ки зеби дастурхони онҳост ва ҳам мусиқии асилро маърази тамошобинон намуданд.
Чорабинии мазкур, ки Фестивали байналмилалии таронаҳои дустӣ таҳти номи “Дастархони Суғдӣ” баргузор шуд, бахшида ба 85 -умин солгарди нашрияи русзабони ҳукумати Суғд «Согдийская правда» буда, дар Қасри ҷавонон ба номи Лоиқ Шералӣ дар Хуҷанд доир гашт.
«Согдийская правда» нахустнашрияи русзабони ҳукуматӣ дар вилояти Суғд ба ҳисоб меравад, ки аз соли 1934 инҷониб бо номҳои гуногун нашр мешавад. Дар соли 2011 ин нашрия аз «Ленинабадская правда» ба «Согдийская правда» тағйири ном кард. Ин нашрия ҳоло ҳафтае ду маротиба бо теъдоди беш аз 3 ҳазор ададӣ чоп мешавад.Рӯзномаи мазкур бо забонҳои рӯсӣ, тоҷикӣ ва узбекӣ ба чоп мерасад.
«Согдийская правда», «Ҳақиқати Суғд», «Суғд ҳақиқати».
Ташаббускорони «Дастархони Суғдӣ», мегӯянд, ин номи рамзии чорабинӣ буда, мақсади асосии ин фестивал ифодакунанда ва сарҷамъию дӯстии якчанд халқу миллатҳост, ки дар вилояти Суғд кору зиндагӣ мекунанд. Дастархон, сарҷамъии миллатҳои тоҷику русу тотор, қазоқу қирғиз, узбеку куриё ва чинро дар Суғд бозгуй мекунад.
Сухани ифтитоҳиро муовини раиси вилояти Суғд Баҳоваддин Баҳодурзода оғоз намуда гуфт, ки Фестивали байналмиллалии таронаҳои дӯстӣ «Дастархони Суғдӣ», ки ба 85-солагии нашрияи «Согдийская правда» дар доираи омодагиҳо ба ҷашни 30- солагии Истиқлолияти давлатии Ҷумҳурии Тоҷикистон баргузор шуда, густариши равобити кишвари Тоҷикистонро бо тамоми кишварҳои ҷаҳон ва хориҷи дур ифода мекунад.
«Дар ҳудуди вилояти Суғд, намояндаи халқияту миллатҳои гуногун зиндаги мекунанд, ки ҳар кадом дорои маданият ва урфу одатҳои хоси худ ҳастанд. Баргузории фестивали байналмиллалии таронаҳои дӯстӣ «Дастархони Суғдӣ» ҳам ба хотири гиромидошти санъати мусиқии халқияти кишварҳои ИДМ аст»,- афзуд Баҳодурзода.
Баъд аз суханронии муовини раиси вилояти Суғд Баҳоваддин Баҳодурзода, консерти идона таҳти унвони таронаҳои дӯстӣ — «Дастархони Суғдӣ» Карнайбазм бо иштироки хонандагони мактаби санъати бачагонаи №3-и ба номи Н.Каримов ва гуруҳи рақсии «Гулноз» оғоз шуд.
Суруду таронаҳои дӯсти бо забонҳои тоҷикӣ, русӣ, англисӣ, узбекӣ, украини, қазоқӣ ва қирғизӣ бо маҳорати баланд сароида шуд.
Яке аз иштирокчии Фестивали таронаҳои дӯстӣ Хайриниссо Акбарова аз Ҷумҳурии Узбекистон бо суруди узбекии «Ҳай ҳай» дили ҳамагонро шод карда, бо овози зинда ба таври хоси узбекона ва маҳорати баланд сароид.Аз оғоз то анҷоми суруд ҳамагон рақсу бози карда, ӯро бо қарсакҳои пурмавҷ дастгирӣ карданд.
Дар охир ба Хайриниссо Акбарова ва дигар иштирокчиҳо Назариён Обид Одилзода Муовини Вазири Вазорати Фарҳанги ҶТ туҳфаҳои хотиравӣ ва сипосномаҳо тақдим кард.
Гузориши Карим Юлдашев
аз Фестивали таронаҳои дӯстӣ
таҳти унвони «Дастархони Суғдӣ».
Нет комментариев