Дар замонҳои қадимулайём ҳам одамон маҳсулоти хӯрока ба монанди гӯшт, нон ва баъзе намуди сабзавотро мепухтанд. Онҳоро дар хокистар тайёр мекарданд. Чунин тарзи тайёркунии хӯрока дар Шарқ хеле маълуму машҳур буд. Дар замонҳои мо низ дар танурҳо нон, самбуса, гӯшт, дар қӯрҳо сихкабобҳои болаззати гӯштию сабзавотиро мепазанд.
Бо тараққиёти технологияи муосири истеҳсолӣ, аз ҷумла коркарди алюминий дар шароити иқтисодӣ, варақаи алюминӣ (алюминиевая фольга) ба вуҷуд омад.
Бартарии варақаи алюминиӣ дар он аст, ки маводи хӯрока аз оташи кушод ва гармӣ эмин буда, маззаи аслиаш гум намешавад. Варақаи алюминиро ширкатҳои «Саянская, Палкан, Йок, Теремок, Фрекен Бок» истеҳсол мекунанд, ки дар бозору мағозаҳои шаҳрамон дастрас кардан мумкин аст.
Шумо мехоҳед аз харидори намудани варақаҳои алюминӣ пушаймон нагардед? Пас ба маслихати мо диққат диқед. Дар вақти харидори намудан ба нишонаи варақа аҳамият диҳед. Бояд дар он ҳатман навиштаҷоти ГОСТ 745-79 дарҷ гардида бошад. Ин хел варақаҳои алюминӣ ба талаботи стандартӣ мувофиқат карда, ба саломатӣ бехатар мебошанд. Акнун оид ба истифодабарии он сухан меронем. Дар хотир доред, ки:
— варақаи ғафсиаш 9 микрон барои нигоҳдошти озуқа ва тайёр печонидани сэндвичҳо;
— варақаи ғафсиаш 11 микрон барои нигоҳдошти озуқа ва тайёр намудани хӯрокаҳо;
— варақаи ғафсиаш 14 микрон барои дар тобаҳо пухтан истифода бурда мешаванд.
Дӯстон, медонед, кадом озуқаро тавассути варақаи алюминӣ пухтан мумкин аст? Тавассути варақаи алюминӣ гӯшт, моҳӣ, мурғ, картошка, сабзӣ, себро пухтан мумкин аст. Ба ғайр аз ғизоҳое, ки дар таркибашон кислота мавҷуд аст, масалан, лиму, помидор, карам.
Дар рӯзгоратон аз варақаҳои алюминӣ истифода баред, то ки хӯрокатон болаззат шуда, моддаҳои фоидаовари таркибаш гум нагардад.
Зарнигори Рустам.
Нет комментариев