Азизони дил, вақти он фаро расид, ки боз маслиҳатҳои муфиди худро пешкашатон гардонем.
Ҳасибро бешубҳа, мардум дӯст медоранд, дар ҷое, ки ҷамъият ҷамъ мешавад, хони онҳоро албатта, ҳасиб оро медиҳад. Ҳасиб таъми лазиз дораду аз шахс заҳмати зиёд, яъне пухтанро талаб намекунад. Бинобар ҳамин ба мардум одат шудааст, ки ҳангоми фурсати танг доштан ба наҳорӣ, хӯроки нисфирӯзӣ ва ҳам шабона ҳасиб истеъмол намояд. Банда низ ҳасибро дӯст медорам, вале аз сирри интихоби беҳтарин ҳасиб акнун бохабар шудам ва мехоҳам ин сирро ба шумо низ мухлисони азиз, ифшо намоям. Мутаваҷҷеҳ бошед!
Ҳамон ҳасибро бояд харид кард, ки дар он бисёртар гӯшт бошад на чарбу крахмал ё моддаҳои химиёвӣ. Чӣ қадар маҳсулоти табиӣ дар он бошад, ҳамон қадар ҳасиб ба ҷисми инсон фоидаовар аст. Мутаваҷҷеҳ бошед ба якчанд маслиҳати мо барои харидани ҳасиби аълосифат.
— Пеш аз харидори кардани ҳасиб шумо бояд ҳатман ба қуттӣ, тамға ва ба мӯҳлати тайёршудаи он аҳамият диҳед;
— Вақте ба мағоза медароед, шумо бояд бинед, ки колбаса дар кадом шароит нигоҳ дошта шудааст;
— Сари ҳасиб (колбаса) бояд тоза, хушк ва бе ягон нуқсон бошад;
-Пӯсти ҳасиби сунъӣ ва ҳам табиӣ набояд аз маҳсулоташ ҷудо бошад. Агар ҷудо бошад, маълум мешавад, ки ҳасиб вайрон аст.
Ҳасиби пухташударо аз фарши намакин тайёр мекунанд. Ҳасиби аълосифат дар ҳарорати 80 дараҷа ҷӯшонида мешавад.
Ҳасиби аз чарби ҳайвонот тайёршуда, ба меъда зарар дорад. Дар таркиби ин навъ ҳасиб калория ва чарби ҳайвон мавҷуд аст. Ба истеъмолкунандагон, мутахассисон тавсия медиҳанд, ки аз сафеда наҳаросанд. Истеъмоли чунин ҳасиб мустаҳкамии фаромӯшхотириро суст мекунад. Ҳасиб чанд намуд мешавад.
- Ҳасиби пухташуда
- Ҳасиби қимадор
- Ҳасиби гӯшти калла
- Ҳасиби нимдудолуд
- Ҳасиби панирин
- Ҳасиби панирдудолуд ва ғайраҳо, ки ҳар якеашон маззаи худашонро дорад.
Ҳасиби пухташуда нисбати дигарҳо машҳуртар аст. Дар таркиби 100 гр ҳасиби пухташуда бояд 10-15% сафеда, 20-30% чарб дошта бошад.
Нет комментариев