Рӯзи панҷшанбеи ҳамин ҳафта дар пойтахти Баҳрайн — шаҳри Манама Конгресси 26-уми Конфедератсияи футболи Осиё (КФО) баргузор мешавад, ки дар кори он намояндагони ҳамаи федератсияҳои миллии футболи қитъаи Осиё иштирок мекунанд.
Бино ба иттилои сомонаи расмии Федератсияи футболи Тоҷикистон (ФФТ), дар ин конгресс ФФТ Тоҷикистонро ноиби аввали президент Хуршед Мирзоев, котиби генералӣ Ислом Маҳмадшоев ва ҳамчунин узви Кумитаи иҷроияи ФФТ, роҳбари Федератсияи футболи Душанбе Дилшод Ҷӯраев намояндагӣ мекунанд.
Гуфта мешавад, интихоби президенти КФО ва ҳамчунин роҳбарони Кумитаи иҷроияи КФО ва ФИФА аз масъалаҳои асосии баррасишавандаи конгресс маҳсуб меёбанд.
Қобили зикр аст, ки Шайх Салмон бин Иброҳим Ал-Халифа аз Баҳрайн, ки соли 2013 ташкилотро ба роҳбарӣ гирифт, ягона номзади сабтшуда ба мансаби президенти Конфедератсияи футболи Осиё мебошад.
Дар ин бора news.tj хабар медиҳад.
Нет комментариев