Ҳисобкунаки барқии «доно» Glow нишондодро ба смартфон мефиристонад, дараҷаи қувваи барқи истифодашударо нишон дода, худ онро ҳисоб мекунад, ки дар як моҳ чӣ қадар маблағ супоридан лозим аст.
Гаджет аз ду қисм иборат аст: датчики махсус ва маркази идоракунӣ. Қисмати яккум датчики магнитӣ-резистивии барқ буда, дар наздикии ҳисобкунаки муқаррарӣ ба тахтаи қуттии барқӣ часпонида мешавад.
Дастгоҳи марказии Glow чун гулдони на он қадар калони қисмати болоияш равшаншаванда мебошад. Ранги он аз сабзи равшан то сурхи тобон мебошад. Инчунин ин дастгоҳ ба интернети беноқили хонагӣ низ пайваст мешавад. Барои аниқу дақиқ донистани истифодашавии дараҷаи қувваи барқ дастгоҳро ба замимаи смартфон васл кардан лозим аст. Барнома имкон медиҳад, ки аз болои истифодабарандаи зиёдатии қувваи барқ назорат бурда шавад, оиди дар давоми як моҳ чӣ қадар истифода шудани қувваи барқ маълумот диҳад ва барои истифодаи қувваи барои чӣ қадар маблағ пардохт намуданро муайян мекунад. Амали назоратбариро аз болои қувваи барқ дар дилхоҳ гӯшаву канори ҷаҳон анҷом додан мумкин аст.
Фармоишоти пешакии дастгоҳи ҳисобкунаки барқии «доно»-и Glow 149 доллари ИМА-ро ташкил медиҳад. Давраи аввали дастраскунии маҳсулот дар моҳи июли соли 2018-ум ба нақша гирифта шудааст.
Нет комментариев