Беш аз сад нафар омӯзгорони навовару эҷодкоре, ки ба дастовардҳои назаррас дар соҳаи маориф ноил шудаанду шогирдонашон дар озмуну олимпиадаҳои ҷумҳуриявиву байналмилалӣ мақомҳои шоистаро касб кардаанд, бо дастгирии Мақомоти иҷроияи ҳокимияти давлатии вилояти Суғд дар истироҳатгоҳи “Шифо”-и шаҳри Гулистон ройгон ба истироҳату табобат ҷалб шуданд.
Рӯзи гузашта аз ҷониби Раёсати маорифи вилоят омӯзгорони пешқадам аёдат ва бо баргузории чорабинии фарҳангӣ хотири истироҳаткунандагон шод карда шуд.
Ёдовар мешавем, ки соли сеюм аст, ки бо иқдоми бевоситаи Раиси вилояти Суғд Абдураҳмон Қодирӣ дар давраи таътили зимистона ва тобистонаи соли хониш сад нафарӣ устодони фаъол ба истироҳату табобат ҷалб карда мешаванд.
Дар баробари устодон шогирдон низ ба истироҳат ҷалб карда мешаванд. Тавре аз Раёсати маорифи вилоят хабар доданд, ҳамасола дар давраи таътили зимистона ва тобистона наздики 100 нафарӣ хонандагон ба истироҳатгоҳи солимгардонии ба номи 20-солагии Истиқлолияти давлатии Ҷумҳурии Тоҷикистон ба истироҳат фаро гирифта миешаванд.
Манбаъ: Сомонаи Сугд ТҶ
Нет комментариев