Ширкати кореягии  Jena баъди тугёни намоиши дисплейҳо ва экранҳои қатшавандаи соли гузашта, боз ҳам ба пеш рафт ва барқтаъминкунак (аккумулятор)-и  J.Flex-ро бо иқтидори 3000 мАч пешниҳод намуд. Дар баробари намоиши имкониятҳои батарея, барноманависон на танҳо онро то ду маротиба қат намуданд балки бо истилоҳ ғиҷим ҳам карданд. Ҳатто бо он оригами сохтанд(оригами-аз қоғаз сохтани шаклҳои гуногуни ороишӣ). Ҳатто пас аз ҳамаи ин тадбирҳо, иқтидори батарея коҳиш наёфта ҳамоно кори худро идома дод.Навгонӣ ҳамчун ҷузъи беҳтарин дар  ҳар гуна ҷузъиёту либосҳои “доно”мавқеъ дорад, зеро истифодаи батареяҳои анъанавӣ ҳам ба офарандагони смарт-гадҷетҳо ва ҳам истифодабарандагон  монеа эҷод мекунанд. Албатта, J.Flex як ҷузъӣ ҷудонашавандаи дастгоҳҳои қатшавандае, ки маъруфият пайдо намудаанд табдил ёфтааст. Иқтидори батареяи имрӯзаи J.Flex барои смартфонҳои муосир ва дигар гадҷетҳои ба он монанд мувофиқ аст. Тавре ки таҳиякунандагони он мегӯянд, онҳо танҳо сохтори батареяро мукаммал намуданд. Аммо ба технологияи батареяҳои литий –ионнӣ, тағйиротҳои асосӣ надаровардаанд. Ин коркардабароӣ  дорои нерўи бузург мебошад ва дар дастпонаи фитнес, ки дар тасмачаи он  J.Flex-и қатшаванда ҷойгир карда мешавад, дида мешавад. Онро метавон дар ҷувздон ҷой дод, ин тадбир имконият медиҳад, ки  смартфон бе истифодаи манбаъҳои нерӯъ бо барқ таъмин гардад. Ба ин ғафсии 2,3 мм-и батарея мусоидат мекунанд. Худи батарея аз ҳуҷайраҳои мураббаъ, ки ҳар яки онҳо дорои дарозии 80 мм мебошанд, ибората буда иқтидори он метавонад ба 1000 мАч расад. Ба таври назариявӣ, “рӯйпӯши” семетра, ки аз  чунин батареяҳо иборат аст,паҳнои  0.2 метр ва ғафсии 0,5 мм, иқтидори 17 то 500 MA * -ро хоҳад дошт. Бо назардошти он, ки J.Flex аз об наметарсад,  онро мумкин аст  ояндаи дурахшон интизор бошад.

Сарчашма : matrix-tv.tj