Дар толори варзишии «Ҷашнӣ»-и шаҳри Чкалов чемпионати вилоятӣ оид ба муштзанӣ (бокс) байни мардон ва бонувони аз 19 то 40 сола дар вазнҳои гуногун бахшида ба Наврӯзи байналмиллалӣ баргузор гардид.
Дар чемпионати мазкур зиёда аз 50 нафар варзишгарони вилоят, дастаҳои шаҳрҳои Хуҷанд, Чкалов, Исфара, Истиқлол, Конибодом, ноҳияҳои Бобоҷон Ғафуров ва Ҷаббор Расулов ширкат варзиданд.
Дар байни мардон ҷойҳои намоёнро дар вазнҳои аз 45 то зиёда аз 100 кг 32 нафар варзишгарон аз шаҳру навоҳии номбурда ишғол намуданд.
Ҳамин тариқ байни бонувон дар вазнҳои аз 50 то 64 кг Рухшона Бошмонова варзишгар аз ноҳияи Бобоҷон Ғафуров, Умедахон Зокирова ва Калиновская Вероника аз шаҳри Исфара, Мамадҷонова Фарзона аз шаҳри Чкалов, Наргиза Зокирова аз ноҳияи Ҷаббор Расулов сазовори ҷойҳои намоён гардиданд.
Ғолибон бо медал, диплом ва туҳфаҳои хотиравӣ сарфароз гардонида шуданд.
Дар ин бора sugd.tj хабар медиҳад.
Нет комментариев