Ҳанӯз 30 сол муқаддам муаллифони асарҳои илмию тахайюлӣ тахмин мекарданд, ки дар оянда ба инсон роботҳо ёрӣ хоҳанд расонд. Аммо роботикунонии ҳаёти рӯзгор на он қадар фаъол аст, чихеле ки мепиндоштанд.
Роботҳо оҳиста-оҳиста ба ҳаёти мо ворид шуда истоданд. Телевизору тафдонҳои «доно», робот-чангкашак – ин ҳама аллакай дар ҳаёти инсон мавқеи муайяни худро дошта, ҳаддал имкон рушд карда истодааст. Вале, бо ин ҳама таҷҳизотҳо муошират карда намешавад. Дил мехоҳад, роботе бошад, ки бо ту сӯҳбат намояд!
Ва инак, чунин робот пайдо шуд. Сухан дар бораи роботи Jibo меравад, ки онро ихтироъкорони Донишгоҳи технологии Массачусетс ҳамчун аввалин роботи иҷтимоии оилавӣ муаррифӣ мекунанд.
Робот ба чӣ қодир аст?
Ба туфайли таҷҳизоти техникӣ ва мувофиқатӣ таъмини барномави (ТБ), Jibo қобилияти шинохти аъзои ҳар як оиларо дорад ва бо ҳар кадоми онҳо муносибати инфиродӣ кунад;
Робот ба кайфияти инсон эътино карда, рафтори худро ҷиҳати боло бардоштани табъи инсон равона мекунад;
Ба ғайр аз муошират Jibo ба сифати ёрдамчӣ низ хизмат кунад: ёдрас кардан аз зангҳои даромад, СМС-паёмҳо. Робот бо модули беноқили алоқа ҷиҳозонида шудааст ва метавонад маълумотро аз дастгоҳҳое, ки ба ӯ васл шудааст дастрас намояд, ки ин ба хоҳиши истифодабаранда вобаста аст.
Ҳамчунин робот метавонад дар ошхона тавассути дониши худ дар самти пазандаги ба кадбону ёрӣ расонад. Яъне, таркиби ягон хуришро (хӯрокро) на аз китоб хондан, балки аз робот пурсидан имконпазир аст.
Jibo барои вақтхушии соҳибаш низ барномаҳои махсус дорад. Ӯ метавонад афсонаро барои кӯдакон ва ё латифаеро барои калонсолон нақл кунад.
Таҷҳизоти техникӣ
Jibo бағоят хуб ҷиҳозонида шудааст ва ихтироъкунандагон оид ба«оҳан»-и ӯ ғамхорӣ намудаанд.
- Масолеҳи танаш: алюминий, ABS-пластик, шиша;
- Дисплей: ЖК HD дисплей;
- Ҳаракат: каллаи робот метавонад дар 3 меҳвар гардиш кунад;
- Сенсорҳо: ду стерео камераи ранга, маҳдудкунии мудаввари овоз, корпуси сенсорива дисплей;
- Овоз: 2 динамики босифат, системаи акустикии муосир;
- Равшанидиҳанда: спектри LED;
- Модули алоқа: WiFi ва Bluetooth;
- Протсессор: ARM-протсессор;
- Забон: англисӣ;
- Андоза: баландӣ — 28 сантиметр, бар — 15 сантиметр;
- Вазн: 3 килограмм.
Албатта, робот Jibo — на он роботест, ки ақли расо дораду шуури позитронӣ, ки Азимов дар асараш эҷод карда буд. Муҳимаш он аст, ки Jibo бо соҳибаш сӯҳбат карда, ҳаракат дорад, ки ба муҳит мувофиқ шавад
Нарх
Нархи ин робот, бо назардошти таҷҳизоташ ва ТБ, албатта, арзон нест. Ихтироъкунандагон нархи Jibo-ро 499 доллари ИМА таъин кардаанд. Фармоишро метавонед ба истеҳсолкунанда равон кунед (ҳамлу нақди он пас аз соли 2015), ва ё ба Medgadgets, муроҷиат намоед
Манбаъ: matrix
Нет комментариев